Իսկ գիտե՞ք թշնամին քանի տեղից, քանի ուղղությամբ է մտել Հայաստան, և ադրբեջանական քանի զինծառայող է այժմ ՀՀ-ում…
Բա ինչպես չհարցնել` կարո՞ղ է բաբոյիդ ինքնաթիռի անձնակազմի մասին է խոսքը, ի՞նչ անձնակազմ, երբ խոսքը թշնամական զորախմբի մասին է
Գիտե՞ք արդյոք, թե թշնամին երբ և քանի տեղից է մտել Հայաստան: Ընթերցողներից շատերը հավանաբար կասեն` իհարկե՛ գիտենք. Սյունիքում, Մեծ Իշխանասարի կողմից, Սև լճի մոտ, և Գեղարքունիքի մարզի Վարդենիսի տարածաշրջանում, Վերին Շորժայի մոտ: Ոչ, սխալվում եք, գրում է livenews.am-ը:
Ադրբեջանի զինված ուժերի զորախմբերը ՀՀ գերագույն գլխավոր դավաճան Նիկոլ Փաշինյանի ու դավաճանի իշխանության թողտվությամբ ՀՀ տարածք են մտել ոչ թե երկու, այլ երեք տեղից, երեք ուղղությամբ, և այժմ էլ գտնվում են մեր երկրի տարածքում: Ավելին. անցած ժամանակաընթացքում նրանք բարելավել են իրենց դիրքերը և էապես ավելացրել զորախմբերի թվակազմը:
Այն, որ թշնամին երեք ուղղություններով է մտել Հայաստան, ս. թ. մայիսի 15-ի իր հերթական հայտարարության մեջ հպանցիկ նշել է նույնիսկ «ՀՀ պաշտպանության նախարարություն» կոչված «կանտորան»: Դրանում մասնավորապես նշված է.
«Հարկ ենք համարում նշել, որ բոլոր երեք ուղղություններում, որտեղ ադրբեջանական զինուժը փորձել է դիրքային առաջխաղացում ապահովել, թե՛ ամբողջ տարածքը, թե՛ իրենք՝ զինվորականները, և թե՛ նրանց ապահովման ուղիները գտնվում են հայկական զինված ուժերի լիարժեք վերահսկողության տակ» (ընդգծումը` մերը):
Մայիսի 15-ին, ավելի ուշ, ՊՆ կոչվածի մեկ այլ հայտարարության մեջ նույնպես նշված է.
«Բոլոր երեք ուղղություններում, որտեղ ադրբեջանական զինվորականները փորձել էին դիրքերի առաջխաղացման գործողություններ իրականացնել, այսօր իրադրության փոփոխություն չի արձանագրվել» (ընդգծումը` մերը)։
Եթե նույնիսկ արծրունհովհաննիսյանական բնույթի սուտ, կեղծիք չէ այն, թե ամբողջ տարածը, ադրբեջանական զինվորականներն ու նրանց ապահովման ուղիները գտնվում են հայկական զինված ուժերի լիարժեք վերահսկողության տակ, ապա հարց է առաջանում` հետո՞ ինչ…
Շատ ավելի վա՛տ է, որ վերահսկողության տակ գտնվելով հանդերձ, թշնամու զորախմբերին մայիսի 19-20-ին թույլ է տրվել համալրվել` իրենց սկզբնական 200-250-ից մայիսի 18-ի դրությամբ մոտ 50-ի նվազած շարքերը հասցնելով 500-600-ի (վերջին թվերը ՀՀ կառավարության մայիսի 20-ի նիստում Նիկոլի հրապարակածն են): Սա ՀՀ գերագույն գլխավոր դավաճան Նիկոլի ու դավաճանի իշխանության կողմից պետական դավաճանության հերթական դրսևորումն է: Սակայն, քանի որ այդ մասին արդեն գրել ենք «Նիկոլի պետական դավաճանությունը սողացող բնույթ ունի, եթե նա անհապաղ չձերբակալվի, Հայաստանին սպասվում է կործանում» հոդվածում , ուստի մեր այսօրվա թեմայից շատ չշեղվենք:
Թե հայտնի երկու ուղղություններից (Սյունիքում, Գորիսում գտնվող Մեծ Իշխանասար, Սև լիճ, Գեղարքունիքում Վերին Շորժայի մոտ) բացի, ո՞րն է երրորդ ուղղությունը, հասկանում ենք ՊՆ կոչվածի դեռ 13.05.2021թ. հայտարարությունից, որում մասնավորապես նշված է. «Մայիսի 13-ին ադրբեջանական զինված ուժերը, կրկին՝ «սահմանների ճշգրտման հիմնավորմամբ, հերթական սադրանքն է իրականացրել Հայաստանի Հանրապետության ինքնիշխան տարածքի նկատմամբ՝ փորձելով դիրքային առաջխաղացում ապահովել Վարդենիսի և Սիսիանի սահմանային հատվածներում» (ընդգծումը` մերը)։
Այսպիսով պարզ է դառնում, որ մայիսի 12-ին ադրբեջանական զորախմբերը Գորիսում գտնվող Մեծ Իշխանասարի կողմից մտնելով ՀՀ տարածք, իրենց հսկողության տակ վերցնելով ռազմավարական նշանակության վերոնշյալ բարձունքը, ապա հասնելով Սև լիճ, տիրելով լճին ու հարակից տարածքներին, մայիսի 13-ին Նիկոլի ու դավաճանի իշխանության, մասնավորապես, ՊՆ կոչվածի ու ԶՈւ գլխավոր շտաբի թողտվությամբ ՀՀ տարածք են մտել Ադրբեջանի և Վարդենիսի, ինչպես նաև Ադրբեջանի և Սիսիանի սահմանային հատվածներից: Սա՛ է երրորդ ուղղությունը, որի մասին չի խոսվում, և թե ինչ վիճակ է այնտեղ հիմա, հանրությանն անհայտ է:
Քանի դեռ Հայաստանում իշխանությունն ուզուրպացրած, իրեն հանցավոր կերպով ՀՀ վարչապետի պաշտոնակատար հռչակած, բնականաբար, ոչ լեգիտիմ կարգավիճակում գտնվող ՀՀ գերագույն գլխավոր դավաճան Նիկոլ Փաշինյանը, դավաճանի իշխանության մաս կազմող ՊՆ կոչվածն ու ԶՈւ գլխավոր շտաբն են մեր և երկրի պաշտպանությունը, անվտանգությունը, ՀՀ սահմանների անխախտելիությունը, ՀՀ տարածքային ամբողջականությունն ապահովողները (իսկ իրականում` չապահովողները), 4-րդ ուղղությունը, որով թշնամին Նիկոլի ու դավաճանի իշխանության թողտվությամբ, նրանց հետ նախապես համաձայնեցված կերպով մտնելու է Հայաստան, լինելու է Տավուշը կամ Արարատը:
Այս մասին նախապես թող իմանան բոլոր նրանք, որոնք ՀՀ գերագույն գլխավոր դավաճանին, իր հանցախմբի հետ միասին, իշխանությունից հեռացնելու հարցը հիմա չեն լուծում, չգիտես ինչ պատրանքներով կամ առանց պատրանքների, սպասում են ընտրություններին…
Պարզվում է, մայիսի 22-ին, շաբաթ օրը «ՀՀ պաշտպանության նախարարություն» կոչված «կանտորայի» և ԶՈւ գլխավոր շտաբի դավաճանական ղեկավարության թողտվությամբ Հայաստանի տարածք է թափանցել թշնամու հերթական զորախումբը: Նույն «կանտորայի» մայիսի 23-ի հայտարարության համաձայն, «Մայիսի 22-ի երեկոյան ադրբեջանական ԶՈՒ Հայաստանի տարածք ներթափանցած անձնակազմի մի մասը վերադարձել է ելման դիրքեր»: Բա ինչպե՞ս չհարցնել այս հայտարարությունը գրողին կամ գրողին թելադրողին` կարո՞ղ է բաբոյիդ ինքնաթիռի անձնակազմի մասին է խոսքը… Ի՞նչ անձնակազմ, երբ խոսքը թշնամական զորախմբի մասին է:
Դե, եթե անձնակազմ է, շռան Վաղոն գուցե բորտ ուղեկցորդի դե՞ր ստանձնի, դրանց, ասենք, թեյ մատուցի, որ գիշերները հանկարծ չմրսեն Նիկոլի ախպեր տղերքը, ցերեկներն էլ ոչխարի մսով ինչ-որ կերակուր, չէ՞ որ շատ արագ բավարարում են նրանց պահանջները, հարմարվում դրանց…
Ինչպես արդեն նշեցինք, մայիսի 19-20-ը ժամանակահատվածում թշնամու հերթական զորախմբերն են ներթափանցել ՀՀ տարածք` համալրելով և, ըստ Նիկոլի, 500-600-ի հասցնելով այստեղ եղածների շարքերը: Եթե, ըստ ՊՆ կոչվածի, «Մայիսի 22-ի երեկոյան ադրբեջանական ԶՈՒ Հայաստանի տարածք ներթափանցած անձնակազմի մի մասը վերադարձել է ելման դիրքեր», ապա ինքնին պարզ է, որ մյուս մասը մնացել է այստեղ: Թե քանի՞սն են նրանք, ՊՆ կոչվածը, կարծում ենք, միտումնավոր կերպով, խորամանկորեն չի հայտնել: Ինչո՞ւ… Որովհետև այդ դեպքում կարող էր պարզ դառնալ, որ մայիսի 20-ի դրությամբ ադրբեջանական զորախմբերի Նիկոլի հայտնած թվաքանակը` 500-600, մայիսի 22-ի երեկոյան դրությամբ արդեն դարձել է, ասենք, 900-950:
ՀՀ-ում գտնվող թշնամու զինծառայողների իրական թվաքանակը ՀՀ գերագույն գլխավոր դավաճանի իշխանության մաս կազմող ՊՆ կոչվածի ղեկավարությանը պետք էր նրա համար, որ նույն հայտարարության մեջ «հերքվի»` «Մամուլում շրջանառվող պնդումը, թե «Սյունիքի մարզի Սև լճի մոտ 1000-ից ավելի ադրբեջանցի զինվորական կա» չի համապատասխանում իրականությանը»:
Լավ, ընդունենք, 1000-ից ավելի չեն (ի դեպ, տողերիս հեղինակի կողմից, իբրև սկզբնաղբյուր, չի եղել նման տեղեկատվություն, առավել ևս` պնդում), ասենք, 900-950 են, դրանից մե՞ծ բան է փոխվում, դրանո՞վ մխիթարվենք…
ՀՀ գլխավոր դատախազ Արթուր Դավթյանից պահանջում ենք ՊՆ կոչվածի վերոնշյալ հայտարարության վերջին նախադասությունը` «Հայկական զինված ուժերի ստորաբաժանումները լիարժեք վերահսկում են իրադրությունը` շարունակելով արգելափակված պահել ադրբեջանցի զինվորականներին» (ընդգծումը` մերը), որը մայիսի 12-ից հետո նմանաբնույթ առաջին հավաստումը չէ, համարել ՊՆ կոչվածի ղեկավարության կողմից ինքնախոստովանական ցուցմունք առ այն, որ լիարժեք վերահսկելով իրադրությունը, ՀՀ ԶՈւ ղեկավարության կողմից թույլ է տրվել Հայաստանում գտնվող ադրբեջանական զորախմբերի հերթական համալրումը` էլ ավելի մեծացնելով ՀՀ տարածքային ամբողջականության խախտումը չվերացնելու կամ պատերազմի վտանգը, Հայաստանի Հանրապետության ազգային անվտանգության ու պետականության հանդեպ առկա լրջագույն սպառնալիքները:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Հայաստանի և Ադրբեջանի քաղաքացիները կկարողանան գաղտնի տեղեկատվություն տրամադրել անհայտ կորածների և հն...