Էրդողանն առաջիկա շաբաթներին կայցելի Ադրբեջան. նա Ալիեւին դրդում է մինչեւ հունիսի 20-ը պատերազմ սկսել

Ադրբեջանի եւ Թուրքիայի նախագահների մակարդակով այս օրերին քննարկումներ են տեղի ունենում` ինչպես ծրագրել եւ վերականգնողական աշխատանքներ իրականացնել Ադրբեջանի վերահսկողության տակ անցած տարածքներում:

Ադրբեջանական ԶԼՄ-ների փոխանցմամբ` այս մասին հայտնել է Թուրքիայի մշակույթի եւ զբոսաշրջության նախարար Մեհմեթ Նուրի Էրսոյը:

Նրա խոսքով` նախեւառաջ նախատեսվում է մշակութային, պատմաճարտարապետական հուշարձանների վերականգնողական աշխատանքներ իրականացնել: Թուրք նախարարը հայտնել է, որ երկրի նախագահ Ռեջեփ Թայիփ Էրդողանն առաջիկա շաբաթների ընթացքում կայցելի Ադրբեջան, ինչից հետո «Ղարաբաղի վերականգնմանն ուղղված գործունեությունը կակտիվանա»:

Հիշեցնենք, որ ավելի վաղ Էրդողանը հայտարարել էր, որ Ռամադանի ավարտից հետո այցելելու է Շուշի:

Իսկ փորձագետների մի մասը պնդում է, որ ակնհայտորեն դժգոհ պատերազմի արդյունքներից եւ հատկապես ռուսաստանյան զինված ուժերի Արցախում հայտնվելուց, Էրդողանն անդադար Ալիեւին դրդում է մինչեւ հունիսի 20-ը նոր պատերազմ սկսել Հայաստանի դեմ:

Թուրքիայում լավ են հասկանում, որ հունիսի 20-ին կորցնելու են նիկոլի թույլ Հայաստանը եւ իրենց համար սկսվելու է բոլորովին մի նոր փուլ: Ալիեւն առայժմ դիմադրում է, ասելով, որ 44-օրյա պատերազմից հետո ծանր կորուստներ են կրել եւ առայժմ նոր պատերազմի պատրաստ չեն, հատկապես հաշվի առնելով ռուսաստանյան զինուժի ներկայությունն Արցախում:

Top-News.am