«Փոփոխություն չկա, ամեն ինչ նույնն է, այս պահին բանակցություններ չեն ընթանում». Վերին Շորժայի գյուղապետ
Գեղարքունիքի մարզի Վերին Շորժա գյուղի ղեկավար Արտյոմ Երանոսյանի խոսքով՝ գյուղում իրավիճակի փոփոխություն չկա, ինչպես մայիսի 12-ից թշնամին գյուղի ուղղությամբ առաջ էր եկել, այնպես էլ շարունակում է մնալ առաջ եկած հատվածում։
«Որևէ փոփոխություն չկա, ամեն ինչ նույնն է։ Այս պահին բանակցություններ չեն ընթանում»,- 168.am-ի հետ զրույցում ասաց գյուղապետը։
Ըստ նրա, թշնամին մինչև այս պահը կրակոցներ չի արձակել, գյուղում էլ բնակիչները հանգիստ են։
«Մինչև այս պահը սադրանքներ չեն եղել, բնակիչները հանգիստ են, հենց այս պահին ցանքս ենք անում»,- եզրափակեց Վերին Շորժայի գյուղապետը։
Հիշեցնենք՝ մայիսի 12-ին թշնամին խախտելով հայ-ադրբեջանական սահմանը՝ մի քանի կիլոմետր Սյունիքի, Գեղարքունիքի մարզերի հատվածներում առաջ է եկել, մինչ օրս նրանք առաջ եկած հատվածներում են և հետ չեն գնում։ Սյունիքում մի քանի անգամ անցկացվել են բանակցություններ, որպեսզի թշնամին հետ գնա, սակայն ապարդյուն։ Հարակից գյուղերի ղեկավարներն ու բնակիչներն ասում են, որ թշնամու զինվորներն ինչ-որ քարտեզներով են առաջ եկել և պնդում են, թե վերադասից հրաման են ստացել, որ առաջ գան, քանի որ համարում են, որ այդ տարածքներն ադրբեջանական են։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026