Այս ընտրությունները աննախադեպ են, դրանք լինելու են նոր Ավարայր

Ոսկան Սարգսյանն իր ֆեյսբուքյան էջում գրում է.

Նիկոլ Փաշինյանը սիրում է հասարակությանը սեւ-սպիտակի բաժանել, «աննախադեպ» եզրույթն օգտագործել։ Հունիսի 20-ի ընտրություններն աննախադեպ են լինելու, ընտրությունները լինելու են սեւ-սպիտակի միջեւ։ Բոլոր նրանք, ովքեր քվեարկելու են Նիկոլ Փաշինյանի կուսակցության օգտին, սեւ են, քանզի նրանք քվեարկում են Հայաստանի սեւ ապագայի, Արցախի տարածքները, Շուշի քաղաքը դժբախտ եւ դժգույն համարելու, դրանք Ադրբեջանին հանձնելու Սյունիքի տարածքները CPS-ով տալու, Սյունիքով Ադրբեջանին միջանցքներ տրամադրելու օգտին։ Այս ընտրությունները աննախադեպ են, դրանք լինելու են նոր Ավարայր, դրանց արդյունքում կամ Հայաստանում իշխանությունը զավթած ադրբեջանաթուրքական դեսանտը շարունակելու է քանդել Հայաստանը, ոչնչացնել մեր պետությունը կամ՝ Հայաստանն ազատագրվելու է քաղցկեղի նման երկիրը քայքայողներից։