Այս հրապարակումը ոչ այլ ինչ է, քան վարչական ռեսուրսի կիրառում

Ուշադրություն, Внимание! Attention! תשומת הלב! Actung!

ՖԲ-յան այս էջը պատկանում է ՀՀ ԱԺ-ին, այլ ոչ որեւէ խմբակցության, հանձնաժողովի, պատգամավորի։

Այս հրապարակումը ոչ այլ ինչ է, քան վարչական ռեսուրսի կիրառում։ Ազգային ժողովի աշխատակազմը՝ Հասարակության հետ կապերի վարչությունը (կամ անալոգիկ այլ վարչություն), ստեղծված են ապահովելու Ազգային ժողովի բնականոն աշխատանքը, Լուսաբանեն ԱԺ գործունեությունը, այլ ոչ հանրային միջոցներից աշխատավարձ ստանալով հարձակվել ընդդիմության վրա՝ սրբացնելով իշխանությանը։

Ազգային ժողովը քաղաքական մարմին է, եւ ընդդիմության ներկայացուցիչներն իրենց քաղաքական դիրքորոշումները կարող են ցույց տալ բոյկոտի տեսքով։ Ի դեպ, քվեարկության համար նախատեսված կոճակի տեղը կորցրած, ապա ռուս կոլեգաների հետ մերձեցման երեկո իրականացրած խորհրդարանականն իր հարցը՝ վարման կարգի վերաբերյալ ելույթի տեսքով, տալիս է Խորհրդարանի նախագահի՝ արտահերթ նիստը փակելուց վայրկյաններ առաջ։

ՀՀ ԱԺ աշխատակազմի ղեկավարը, եթե այդպիսին կա (ես երբեւէ չեմ տեսել) պետք է ու պարտավոր է իրականացնել ծառայողական քննություն՝ պարզելու աշխատակազմի ապաքաղաքական ստորաբաժանման նման քաղաքական գործունեության իրավաչափությունը, ավելին՝ ակնհայտ մեղավորներին համապատասխան պատասխանատվության ենթարկելու։

Ինձ մոտ այնպիսի տպավորություն է, որ National Assembly of Armenia / Ազգային ժողով|ի ՖԲ-յան պաշտոնական էջը դարձել է իշխող կոհորտայի ֆան-ակումբի ՖԲ-յան էջը։

Եթե ՀՀ ԱԺ աշխատակազմի ղեկավար պաշտոնյաները չեն իմանում ի՞նչ է ասել վարչական ռեսուրսի կիրառում, ապա սիրով 1 ակադեմիական ժամ կտրամադրեմ համապատասխան բանախոսության համար։