«Մենք Նիկոլ Փաշինյանին չենք ընտրել վարչապետ. սուտ եք ասում». Գեւորգ Գորգիսյանը հերքեց անհերքելին
Հերթական անիմաստ էներգիայի վատնումն է, որովհետեւ սրանք ինչ եկել են իշխանություն են փոխում, դատական համակարգում հողմաղացների դեմ են պայքարում: Այս մասին, այսօր՝ ապրիլի 19-ին, Աժ-ում լրագրողների հետ զրույցում նշեց ԱԺ «Լուսավոր Հայաստան» խմբակցության քարտուղար Գեւորգ Գորգիսյանը՝ անդրադառնալով նրան, որ ԲԴԽ նախագահ Ռուբեն Վարդազարյանի դեմ քրեական գործ է հարուցվել եւ նրա լիզորությունները կասեցվել են:
«Արդյունքում ստանում ենք այն, ինչ չէին ուզում ստանալ: Այսինքն ԲԴԽ-ն իրենց նշանակած անդամներով անում է այն, ինչ իրենք չէին ուզում, ՍԴ-ն որոշում է կայացնում, որը չկայացնելու համար իրենք ՍԴ-ի հետեւից էին ընկել:
Սա աբսուրդի կոմեդիա է հիշեցնում: Ես խոստանում եմ, որ հուլիսի ամսից, իշխանափոխությունից հետո մենք կզբաղվենք միայն կառուցմամբ: Հերիք է այս քանդման ու բաժանման պրոցեսը»,-ասաց Գորգիսյանը:
Հարցին, թե Ռուբեն Վարդազարյանի շուրջ տեղի ունեցողը քաղաքական հետապնդո՞ւմ է, ԼՀԿ_ական պատգամավորը հստակ պատասխան չտվեց. «Չեմ կարող գնահատական տալ, որովհետեւ որեւէ կերպ ծանոթ չեմ քրգործի նյութերին: Նրա աշխատանքը ես իրավունք չունեմ գնահատել, որովհետեւ դատական համակարգը իշխանության այլ ճյուղ է»:
Գորգիսյանն ընդգծեց, որ ցանկացած բան կարելի է քանդել, հետո փորձել արդարացնել. «Հիմա եթե անհասկանալի մեխանիզմներով ԲԴԽ կազմը փոխում են, Սահմանադրությունը խախտելով փորձում են ՍԴ կազմը փոխել, հետո այդ ամենը դուրս է գալիս իրենց դեմ, հիմա էլ ավելի անհեթեթ քայլեր են անում արդարացնելու իրենց արածները, աբսուրդ է դա: Էս մարդիկ ոչ պետությունն են հասկանում, ոչ իշխանության ճյուղերը: Իրենք ուզում են լինի մի հատ Նիկոլ Փաշինյան, ասի՝ գյադեք, էս ղոլ անցեք, էն ղոլ անցեք: Չի կարելի դա»:
Հիշեցմանը, որ 2018-ի մայիսին նաեւ իրենք են Նիկոլ Փաշինյանին ընտրել վարչապետ, Գորգիսյանն արձագանքեց. «Մենք իրեն չենք ընտրել վարչապետ: Սուտ եք ասում»:
Հիշեցնենք, որ 2018-ին ԱԺ-ում «Ելք» խմբակցության անդամները, որոնց թվում էին նաեւ «Լուսավոր Հայաստանի» անդամները, կողմ են քվեարկել Փաշինյանի վարչապետ ընտրելու քվեարկության ժամանակ:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...