Ի՞նչ եզրակացությունների կարելի է հանգել որոշ շրջանակների աղմուկից
«Փաստ» օրաթերթը գրում է. «Որոշ քաղաքական գործիչների հարցազրույցները կամ հայտարարությունները ունեն մի շատ հետաքրքիր առանձնահատկություն: Ավելի ստույգ՝ ոչ թե բուն հարցազրույցները, այլ դրանց հետևանքներն ու արձագանքները: Թեպետ, եթե անկեղծ լինենք, բուն հարցազրույցներն իրենց բովանդակությամբ ու այդ հարցազրույցների հետևանքները փոխադարձաբար շաղկապված են:
Հիմա՝ ըստ էության: Փորձը ցույց է տալիս, որ եթե նույնիսկ ինչ-ինչ պատճառներով չես դիտել, չես լսել կամ չես կարդացել որևէ քաղաքական գործչի, առավել ևս՝ նախկիններից մեկի, էլ առավել ևս, օրինակ՝ երկրորդ նախագահ Ռոբերտ Քոչարյանի որևէ հարցազրույց, ապա բավական է հետևել, այսպես կոչված, սորոսականների, արևմտյան ֆինանսավորում ու դիրքորոշում ունեցող այլ անհատների, ինչպես նաև Նիկոլ Փաշինյանի գրպանի մի քանի «գործիչների» արձագանքներին, ու հանգիստ կարող ես ենթադրել, թե ինչ է խոսվել և ինչի մասին: Ընդ որում, աղմուկի դեցիբելից կարելի է առավել կոնկրետ եզրակացություններ անել: Եթե հարձակումը տոտալ ու բուռն է, ուրեմն կարելի է հստակ արձանագրել հետևյալը: Նախ՝ դա նշանակում է, որ խոսվել է պետության և պետականության, հայկականության, ազգայինի և Հայ Առաքելական եկեղեցու դիրքերից: Երկրորդ՝ դա նշանակում է, որ խոսվել է Ռուսաստանի հետ հարաբերությունների ամրապնդման ու խորացման դիրքերից:
Երրորդ՝ դա նշանակում է, որ կոշտ դիրքորոշում է արտահայտվել Ադրբեջանի ու Թուրքիայի հանդեպ, և դրանք համարվել են թշնամի երկրներ ու սպառնալիք Հայաստանի Հանրապետության և Արցախի Հանրապետության համար: Չորրորդ՝ փլուզվել են տարիներ շարունակ հանրության մեջ ներարկվող միֆեր, որոնք այդ շրջանակների համար դարձել են «հաց ու ջրի» աղբյուր, այդ թվում՝ Մարտի 1-ի, Ապրիլ յան պատերազմի և այլ հարցերի շուրջ: Այս շարքը կարելի է էլի շարունակել, սակայն եթե հակիրճ ամփոփենք, ապա դա նշանակում է, որ նշյալ շրջանակները ենթագիտակցորեն ի ցույց են դնում իրենց անհանգստությունները, եթե չասենք՝ վախերը:
Մի խոսքով, եթե նույնիսկ որևէ մեկը որևէ հարցազրույց չի դիտել կամ չի կարդացել, պարզապես արագ անցեք վերնոշյալ անձանց ՖԲ էջերով, ու կարող եք ամբողջական պատկերացում կազմել...»։
Մանրամասները՝ թերթի այսօրվա համարում։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...