Պարոնայք գեներալներ, հերթը Ձերն է

Վարչական դատարանն արդեն կայացրել է իր որոշումը։ Որոշումը հրապարակված է և ուժի մեջ է կայացման պահից։ Կառավարության փաստացի հայտարարությունը, որ չի պատրաստվում կատարել Վարչական դատարանի որոշումը, իրավունքի գերակայությունը արհամարհելու մասին հայտարարություն է։ Հիմնավորումը սպանում է իրավագիտության մասին պատկերացումները։ Իբր սահմանադիրը նշված սահմանադրական նորմի ուժով ուժի մեջ մտած ակտի շրջադարձի հնարավորություն չի նախատեսել, և հետևաբար, Օնիկ Գասպարյանը ազատված է ՀՀ ԶՈՒ ԳՇ պետի պաշտոնից։
Աբսուրդի ժանրից էլ ինչ հայտարարություն կարող եք անել։ Այսինքն, այս իշխանությունը որոշել է, որ մարդ չի կարող օգտվել իր խախտված իրավունքների դատական պաշտպանությունից։ Լո՞ւրջ եք ասում։ Դուք մի նորմալ իրավաբան չունե՞ք, որ գոնե խորհուրդ տա էսպիսի հիմարություններ չհայտարարեք։
Մյուս կողմից, հերթը հիմա Օնիկ Գասպարյանինն է և բարձրաստիճան զինվորականությանը։ Պարոնայք գեներալներ, հերթը Ձերն է։