Այս դադարից օգտվում է միայն մեր թշնամին

Ու դեռ շատերը միամտաբար հարցնում են, թե նիկոլն ինչու հրաժարական չի տալիս: Ու դեռ շատերը միամտաբար կարծում են, որ նիկոլին դուր է եկել իշխանական վայելքները, ճոխ կյանքը: Իհարկե, այդպես է, դուր է եկել, բայց դա չէ հրաժարական չտալու պատճառը: նիկոլին իրեն իշխանության բերած ուժերը պարզապես արգելում են հրաժարական տալ. նա դեռ անելիք ունի:

Երբ առողջ, հայրենիքը սիրող, պետության շահերով առաջնորդվող քաղաքական ուժերը, հասարակական կազմակերպությունները, եկեղեցին, գիտնականները գլուխ են ջարդում, փորձելով փոսից հանել հիմարի նետած քարը, թշնամին դեռ գործում է եւ ավերում մեր երկիրը:

Ուշադիր հետեւեք լրահոսին. այս դադարը, նիկոլին հեռացնելուց առաջ առաջացած այս դադարը թշնամին շարունակում է օգտագործել:

Բյուջեից փողեր են մսխվում, եւ իբր նոր որակի ոստիկանություն է ստեղծվում, շարունակում են պարեւավճարներ ստանալ երկիրն ավերած պաշտոնյաներն ու պատգամավորները, բայց սա չէ ամենակարեւորը:

Ալիեւը հայտարարել է, թե Հայաստանի իշխանությունների հետ շարունակում են աշխատանքները տրանսպորտային հաղորդակցությունների ապաշրջափակման հարցով:

Երբ Ալիեւն ասում է տրանսպորտային հաղորդակցությունների ապաշրջափակում, ապա հասկանում է միայն Մեղրիով, կամ Սյունիքի մեկ այլ հատվածով ճանապարը, որը Նախիջեւանը կկապի Բաքվին:

Հասկանո՞ւմ եք ինչ է կատարվում. մենք հարյուրավոր գերիներ ունենք Բաքվում, իսկ ՀՀ իշխանությունները շարունակում են համագործակցությունը Ադրբեջանի հետ:

Տեղի է ունենում նաեւ մեկ այլ սարսափելի երեւույթ. նիկոլը եւ իր հատակում գտնվող թիմը անդադար շեշտում են, անդադար մարդկանց ուղեղների մեջ կաթացնում, որ մենք պարտվել ենք, իսկ Ադրբեջանը հաղթել: Քանի՞ մարդ երեսուն տարվա ընթացքում Ադրբեջանում հայտարարեց, թե հայերը հաղթել են, իսկ մենք պարտվել՝ ոչ մի:

Անդրանիկ Քոչարյան կոչված արարածը ասում է մենք պետք է ուղիներ փնտրենք հաղթող կողմի հետ հարաբերություններ հաստատելու համար: Նա ոչ այնքան ուզում է ուղիներ փնտրել, որքան Հհ քաղաքացուն ստորացնել, ծնկի բերել, որ շարունակեն իրականացնել ծրագրի հաջորդ հատվածը:

Դուք մտածում եք նիկոլին հեռացնել արտահերթ ընտրություններով, թե մեկ այլ սահմանադրական ճանապարհով, իսկ այդ ընթացքում նիկոլական վարչախումբը պատրաստվում է Սյունիքից մի կտոր պոկել եւ հանձնել Ադրբեջանին՝ ճանապարհ անվան տակ:

Ադրբեջանը ձգտում է հասնել նրան, որ օր առաջ ստորագրվի ինչ-որ փաստաթուղթ, եթե իհարկե դեռ չի ստորագրվել, որով ադրբեջանցիները կվերադառնան Հայաստանի տարածքի այն բնակավայրեր, որտեղ բնակվել են  մինչեւ 1990 թվականի նոյեմբերը: Ադրբեջանը ցանկանում է Վարդենիսը, Մասիսը, Ամասիան, Կապանը, Արարատը բնակեցնել ադրբեջանցիներով: Մի՞թե կարծում եք պատահական է Ալիեւն անդադար կրկնում Զանգեզուրի եւ Երեւանի ադրբեջանական լինելու մասին: 

Շուշին ստանալով թշնամին չի բավարարվել: Թշնամին դեռ անելիք ունի: Հիմա հասկանո՞ւմ եք ինչու հրաժարական չի տալիս ստահակը:

Իսկ ո՞ւմ շահերն են սպասարկում ոստիկանները, աած-ականները, դատախազները, քննիչները: Մի՞թե հայրենիքը, պետությունը ձեզ համար զրոյական արժեք ունի: Փորձեք հասկանալ, թե ով է ձեզ իրականում հրամաններ տալիս:

Իհարկե, թշնամին ունի իր ծրագրերը, բայց դա չի նշանակում, որ թույլ ենք տալու, որ այն իրագործվի: Իհարկե՝ ոչ: նիկոլը հեռանալու է պաշտոնից եւ դատվելու է իր ացազակախմբի հետ միասին:

Վարդան Մխիթարյան

Top-News.am