Ոչ պաշտոնական տեղեկությունների համաձայն, նա ուզում է ԶՈՒ ԳՇ պետ առաջարկել Արգիշտի Քյարամյանին

Առաջին կարևոր արդյունքն այն է, որ հայ ժողովուրդն արթնացել, միացել է համաժողովրդական պայքարին ու աջակցում է հայոց բանակին։ Երկրորդ կարևոր ուղերձն այս հրապարակի այն է, որ Հայաստանից դուրս ապրող հայրենակիցներին ուղիղ եթերով ճշմարիտ տեղեկատվություն է փոխանցվում։ «Փաստինֆո»-ի հարցերին պատասխանում է Հայաստանի պետական քաղաքական գործիչ, ՀՅԴ կուսակցական հայաստանյան ղեկավարներից Արծվիկ Մինասյանը։

«Հաճախ մենք հանդիպում ենք այնպիսի հրապարակումների, որոնք աղավաղված են ներկայացնում իրականությունը։ Եվ տպավորություն է ստեղծվում, որ այսօրվա Հայաստանի իշխանությունները փորձում է ամեն ինչ լավ անել, բայց այ փողոց դուրս եկած ընդդիմությունը կամ գեներալների կողմից արված հրաժարականի պահանջները միայն մեկ նպատակ են հետապնդում՝ ինչ-որ պաշտոնի կամ աթոռի համար են։ Բնականաբար չկա այդպիսի բան և սա շատ լավ հնարավորություն է, որ ուղիղ եթերում բոլորը տեսնեն իրականությունն ու ճշմարիտ տեղեկություններ ստանան»,-ընդգծեց Արծվիկ Մինասյանը վստահեցնելով, որ ամեն օր քաղաքացիների հոսքն ու բոլորի վճռականությունն ավելանում է և, ըստ նրա՝ մնում է միայն հետևողական ու համբերատար աշխատանք, որպեսզի անցնցում ու առանց բռնության երկրում տեղի ունենա իշխանության հեռացման գործընթաց։

Խոսելով երեկ ՀՀ նախագահի հետ տեղի ունեցած հանդիպումից, Արծվիկ Մինասյանը հույս հայտնեց, որ ՀՀ նախագահը կիրականացնի Սահմանադրությամբ իրեն վերապահված լիազորությունները և կկայացնի ՀՀ օրենսդրությանը համապատասխան որոշում։

«Բացի այդ, ոչ պաշտոնական տեղեկություններ ունենք, թե Վարչապետն ում է ուզում տեսենել ԳՇ պետի պաշտոնում, դա ուղակի սարսափելի է։ Այս հետպատերազմական, ռազմական, մեր երկրի արտաքին անվտանգության խնդիրների պայմաններում, առաջարկում ես մի մարդու, որն արդեն մի քանի գերատեսչություններում ցույց է տվել իր աշխատանքի անարդյունավետությունը։ Ոչ պաշտոնական տեղեկությունների համաձայն, նա ուզում է ԶՈՒ ԳՇ պետ առաջարկել Արգիշտի Քյարամյանին։ Սա պարզապես սարսափելի է՝ անվտանգության երաշխավորման համակարգի տեսակետից»,-ասաց Արծվիկ Մինասյանը։

Մանրամասները ՝ տեսանյութում