Ո՞ւր էր Փաշինյանն այս 3 տարիների ընթացքում, ինչո՞ւ չէր պահանջում փոխարինել, եթե Ռուսաստանը վատ զենք էր մատակարարել
«168 ժամը» գրում է.
«Փաշինյանի արտահայտությունները ստվեր են գցում ՀՀ ողջ բանակի վրա»,- այս մասին 168.am-ի հետ զրույցում ասաց ՌԴ առաջին կարգի պետական խորհրդական, ռուսական «Ռեգնում» լրատվական գործակալության գլխավոր խմբագիր Մոդեստ Կոլերովը՝ անդրադառնալով ռուսական «Իսկանդեր» հրթիռային համակարգերի արդյունավետության վերաբերյալ Նիկոլ Փաշինյանի աղմկահարույց մեկնաբանություններին:
Նա նշեց, որ Փաշինյանի սադրիչ, կոնֆլիկտային, ոչ կոմպետենտ հայտարարությունները ծանր վնաս են հասցնում Հայաստան պետության նկատմամբ Ռուսաստանի վստահությանը:
Ըստ Կոլերովի՝ քանի դեռ նա իշխանության ղեկին է, հանդես է գալու նոր նմանատիպ հայտարարություններով, դա Փաշինյանի ոճն է: Բացի դա, Կոլերովն ասաց, որ Փաշինյանի արտահայտությունները ստվեր են գցում ՀՀ ողջ բանակի վրա, որովհետև մի կողմից կարելի է ասել, որ ռուսները վատ հրթիռներ են տրամադրել, բայց չէ՞ որ նրանք այդ վատ հրթիռները մատակարարել են ոչ 3 տարի առաջ, այլ շատ ավելի վաղ:
«Բայց եթե նույնիսկ դրանք անպետք էին, նշանակում է, որ երեքուկես տարի Հայաստանում չգտնվեց գեթ մեկ անձ, ով դրանք ստուգեր, ով սովորեր աշխատել դրանց վրա, դա ի՞նչ բանակ է, չկա՞ տեխնիկապես կիրթ մեկը: Ենթադրենք, Ռուսաստանը վատ հրթիռներ է մատակարարել, որտե՞ղ է ապացույցը, որ ակտ է կազմվել, ստուգումներ են արվել: Երբ գալիս է անորակ ապրանք, ստացող կողմը ակտ է կազմում, առաջարկում փոխել, իսկ ո՞ւր էր Փաշինյանն այս երեք տարիների ընթացքում, ինչո՞ւ չէր պահանջում փոխարինում, եթե Ռուսաստանը վատն էր մատակարարել: Այստեղ կա նաև այլ կողմ՝ իսկ գուցե հայ զինվորները չե՞ն կարողանում կրակել կամ օգտագործել այն, գուցե նրանք չե՞ն կարողանում օգտվել դրանից: Չէ՞ որ սա չափազանց ծանր մեղադրանք է բանակի հասցեին:
Երեկ եղավ ՌԴ ՊՆ պարզաբանումը, որ «Իսկանդեր» Ղարաբաղում չի օգտագործվել, ինչը Փաշինյանի պնդումը վերածեց դեմոնստրատիվ ստի: Ինչո՞ւ մինչ այս պահը Փաշինյանն ապացույցներ չի ներկայացրել այս մեղադրանքի վերաբերյալ: Որևէ պարզաբանում կամ հստակեցում դեռ չի հնչել այս կապակցությամբ: Ես այն կարծիքին եմ, որ այս ոճով շարունակելու է նաև հետագայում»,- ասաց Կոլերովը»,-գրում է թերթը:
Մանրամասները՝ թերթի այսօրվա համարում:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Անտարկտիդայում հայտնաբերված առաջին դինոզավրի ոսկորը գտել են դարակում
ՀՀ ԱԺ արտահերթ նստաշրջան - 02.07.2026
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Հայաստանի և Ադրբեջանի քաղաքացիները կկարողանան գաղտնի տեղեկատվություն տրամադրել անհայտ կորածների և հն...