Նիկոլ Փաշինյանի այս հերթական կամայականությունը անցնում է անպատասխանատվության բոլոր հնարավոր սահմանները. Ավետիք Չալաբյան
«Ազգային օրակարգ» կուսակցության հիմնադիր հանձնախմբի անդամ Ավետիք Չալաբյանը ֆեյսբուքյան իր էջում գրել է.«Երեկ միջազգային մասշտաբներ ձեռք բերող "Իսկանդերային" սկանդալի ֆոնի վրա, մինչև հիմա վարչապետի պաշտոնը թյուրիմածաբար զբաղեցնող, և այդ պաշտոնում մեր ողջ երկիրը օր օրի հեղինակազրկող Նիկոլ Փաշինյանը պաշտոնանկ արեց ՀՀ Գլխավոր շտաբի պետի առաջին տեղակալ, գեներալ-լեյտենանտ Տիրան Խաչատրյանին։ Ըստ պտտվող լուրերի՝ քանի որ գեներալ Խաչատրյանը ծիծաղով է արձագանքել "Իսկանդերը 10%-ով է պայթել" անհեթեթ և ռազմական գործի հետ աղերս չունեցող արտահայտությանը։
Նիկոլ Փաշինյանի այս հերթական կամայականությունը սակայն անցնում է անպատասխանատվության բոլոր հնարավոր սահմանները։ Գեներալ Տիրան Խաչատրյանը մեր բանակի առավել հարգված և փորձառու մարտական ղեկավարներից է։ Դեռևս 1990 թվականին, 19 տարեկան հասակում, թողելով ուսումը, նա կամավոր զինվորագրվել է Արցախյան ազատագրական պայքարին և մինչև պատերազմի ավարտը հերոսական ուղի է անցել բազմաթիվ ճակատամարտերով։ Պատերազմից հետո Տիրան Խաչատրյանը վերադարձել է ուսման, ավարտել է ԵՊՀ Ֆիզիկայի ֆակուլտետը, նորից վերադարձել ռազմական ծառայության, և երկար տարիների ընթացքում իր անբասիր ծառայությամբ բարձր հեղինակություն վաստակել բանակում։ Անցած պատերազմում, անձամբ լինելով դիրքերում, կարողացել է կանգնեցնել թշնամու հարձակումը Իշխանաձորի բնագծում և ցավոտ հակահարված հասցնել նրան, ինքն էլ այդ մարտի ընթացքում ծանր վիրավորում է ստացել։ Տիրան Խաչատրյանը այն հազվագյուտ գեներալներից է, որը սեփական օրինակ կարող է առաջ տանել զինվորներին մարտի դաշտում, միաժամանակ խաղաղ ժամանակ բանակի արդիականացման և զարգացման լավագույն ջատագովներից մեկն է, լայնախոհ և կրթված զինվորական մասնագետ։
Պաշտոնանկ անելով այդպիսի զինվորական ղեկավարի, Նիկոլ Փաշինյանը պարզապես ցույց է տալիս սեփական քաղաքական սնանկությունը և հուսահատությունը։ Ես անկեղծ հույսով եմ, որ այս խայտառակությունը երկար չի շարունակվի, մինչ այդ իմ զորակցությունն եմ հայտնում գեներալ Տիրան Խաչատրյանին, և ի դեմս նրա, բոլոր մեր այն զինվորականներին, որոնք շարունակում են պատվով ծառայել հայրենիքին, և որոնց հետ միասին մենք կվերականգնենք նրա պատիվն ու հեղինակությունը»:
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Շինարարական ընկերություններին ներկայացվող պահանջները խստացվել են
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
Մահացել է Երևանի նախկին քաղաքապետ Ռոբերտ Նազարյանը
Բոլորը պետք է փոխզիջման գնան, ի դեպ` նաեւ ամերիկյան, Վիլնյուսում ասել է Զելենսկին
Հունվարի 27-ը Հայրենիքի պաշտպանության համար զոհվածների հիշատակի օրն է
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
Ժամանակավորապես կդադարեցվի հետևյալ հասցեների էլեկտրամատակարարումը
Փոսը շրջանցելու համար, վարորդները երթևեկում են հանդիպակաց գոտիով՝ վթարային իրավիճակնեը ստեղծելով մյո...
17-ամյա Աննա Զաքարյանը որոնվում է որպես անհետ կորած