Խոսիր գերիների մասին այնպես, ինչպես քո երեխաների մասին, ով-ով, Պուտինը հաստատ կհասկանար ու կօգներ. Գաբրիելյանով

Մի քանի միտք՝ Հայաստանի վարչապետի վերաբերյալ.

1.Փաշինյանը բացարձակ պատրաստ չէ նման մակարդակի բանակցությունների՝ ոչ մենթալ, ոչ մտավոր մակարդակում և ոչ էլ հոգեպես: Ըստ էության, նա չոբան է, ով առաջին անգամ է ժամանել Մոսկվա, ում փափախն անընդհատ ընկնում է, երբ նա նայում է բարձրահարկ շենքերին:

2.Միայն հիմարը կարող է բանակցություններից մեկ օր առաջ ֆեյսբուքյան իր էջում գրել այն մասին, թե ինչ է ուզում, ինչպիսի արդյունքների է ուզում հասնել, դրա համար բնական է, որ ադրբեջանցիները նրան կանգնեցրել են փաստի առաջ:

3.Պետք չէ բանակցությունների սեղանին մոտենալ փալասի տեսքով, խամրած աչքերով ու տարտամ քայլվածքով:

4.Բանակցությունների սեղանի շուրջ մարդիկ են, այո, այնպիսի հսկաների, ինչպիսին է Պուտինը, սակայն նրանք էլ են մարդ, ովքեր ունեն էմոցիաներ, մարդկային հասկացողություն, նրանք էլ ունեն երեխաների: Ահա խաղաքարտը, խոսիր գերիների մասին այնպես, ինչպես քո երեխաների մասին: Ով-ով, Պուտինը հաստատ կհասկանար ու կօգներ:

5. Փաշինյանը չլուծեց գերիների հարցը, նա վերջապես պետք է հասկանա, որ դա իր տեղը չէ: Իրենը չէ: Հավաքիր «Իմ քայլին»: Ընդունիր որոշում: Հեռացիր: Դե, չի կարելի այդքան խայտառակել սեփական երկիրը: Եթե, իհարկե, այն քո Հայրենիքն  ես համարում: Հայերին ամոթով մի թող:

6, Ինչպես պատմում է Արարատ Հայաթ հյուրանոցի ծառայողներից մեկը, Փաշինյանը ուշ երեկոյան 20 րոպեով մտել է հյուրանոց, զգեստափոխվել եւ հեռացել: Նիկոլն ընկճված էր, ինչը հասկանալի է: Նա պարտվել է հնարավոր ամեն ինչում: Նա հասկանում է, որ դա արդեն իր երկիրը չէ եւ իր ժողովուրդը չէ: Նիկոլ, պետք է գոնե մեկ տղամարդկային քայլ անել: