Էլ ի՞նչ չի հասցրել անել Նիկոլը հանուն Հայաստանի, որ ուզում է շարունակել իշխանավարել

Նիկոլ Փաշինյանի և իր խմբի կառավարման 2,5 տարվա արդյունքները։

1. 42000 քառակուսի կիլոմետրանոց Հայաստանը դարձավ 29000։ Թշնամու հետ շփման գիծը երկարել է մոտ 500կմ-ով։

2. Պարտված, կազմԷլ ի՞նչ չի հասցրել անել Նիկոլը հանուն Հայաստանի, որ ուզում է շարունակել իշխանավարելլուծված և ոչ մարտունակ բանակ։

Պատերազմից մոտ 5000 զոհ, մոտ 10000 վիրավոր, մոտ 2000 անհետ կորած, մոտ 300 գերի (2 ամիս անցել է պատերազմից և մինչև հիմա հստակ թվեր չեն ասվում)։

Հազարավոր ընտանիքներ կորցրել են ընտանիքը ապահովող տղամարդկանց։

3. Տնտեսական կոլապս, զրոյին ձգտող ներդրումներ, 8 մլրդ դոլար արտաքին պարտք, 7,5% ՀՆԱ անկում։ Աղքատության աճ, գնողունակության անկում, եկամուտների կրճատում։ Ոսկու խոշորագույն հանքի կորուստ, էներգետիկ ռեսուրսների 15%-ի կորուստ, գյուղատնտեսկան նշանակության տարածքների մոտ 10%-ի կորուստ։

4. Համավարակի դեմ ձախողված պայքար։ Արդեն 3000 մահ համավարակից, տարածման տեմպերով և մահերի թվով, աշխարհում վատագույն ցուցանիշներից մեկը։

5. Կրթական համակարգի կոլապս։ Դասապրոցեսի տապալում, առաջատար բուհերի կազմալուծում, բարձրագույն կրթության-գիտության օրենքի տապալում, ֆինանսավորման մասնաբաժնի կրճատում։

6. Մոտ 40000 փախստական և սպասվում է նաև Սյունիքի տասնյակ գյուղերից բնակչության արտահոսք։

7. Պառակտված ու իրար դեմ թշնամացած ժողովուրդ և այդ պրոցեսը քաջալերող ու ուղղորդող պետական քաղաքականություն։ Հոգեբանորեն կոտրված, ապատիայի մեջ հայտնված հասարակություն և արտագաղթի սպասվող մեծ ալիք։

8. Կազմալուծված ու իրենց լիազորությունները չկատարող ոստիկանություն և ԱԱԾ։

9. Կազմալուծված դատական համակարգ։

10. Անհասկանալի կերպարներով լցված ԱԺ։ Օրենսդրական նախաձեռնությունների ցածր մակարդակ։

11. Միջազգային ասպարեզում սուբյեկտայնության կորուստ, միջազգային հարաբերությունների քաղաքական քարտեզից Հայատանի վերացում։ Դաշնակիցների, լավ հարաբերություններ ունեցող և ուղղակի նեյտրալ երկրների կորուստ։ Բացահայտ ագրեսիայի անտեսված զոհ։ Հետագա ագրեսիայի շատ բարձ հավանականություն, միջազգային հանրության լռության մթնոլորտում։

Էլ ի՞նչ չի հասցրել անել Նիկոլը հանուն Հայաստանի, որ ուզում է շարունակել իշխանավարել։

Էլ ի՞նչ չի հասցրել անել Նիկոլը հանուն Հայաստանի, որ ժողովրդի մի մասը դեռ սպասում է, որ պետք է անի։