Մի փուլում ենք, երբ «homo sapiens»-ը ինտենսիվորեն վերածվում է «homo idioticus»-ի՝ առավել հեշտ կառավարվելու համար. քաղաքագետ

«Առաջին հայացքից ենթադրություն կա, թե տեխնոլոգիական զարգացման, գիտական հայտնագործությունների արդյունքում «homo sapiens»-ը գիտակցության ու ընկալողունակության աստիճանը պիտի որ շոշափելի ավելանար, մինչդեռ ականատես ենք լինում լիովին հակառակ գործընթացներին ...»,- գրում է քաղաքագետ Ալեն Ղևոնդյանը:

«Տեխնոլոգիական դարաշրջանում զանգվածային փսիխոզը և արժեքային քաոսը հասել են իրենց գագաթնակետին ...

Մարդիկ կառավարվում են շատ ավելի հեշտ ...

Տեխնոլոգիաները «ստիպում» են, որ մարդիկ չսիրեն մտածել ...

Կեղծ օրակարգերը դարձել են ամենից արդյունավետ քաղ. և մեդիա մանիպուլյացիաների գործիքները ...
Ու որքան այդ կեղծիքը ֆանտաստիկ, անիրական կամ ընդգրկուն է, այնքան նրա կառավարման, ազդեցության տարածքը առավել լայն է ...(հիշենք Հիտլերին ու Գեբելսին)
Ու ամենից հետաքրքիրն այն է, որ վիրտուալ, կեղծ օրակարգերի, մեդիա մանիպուլյացիաների «իրականության» մեջ քո հաղթանակը/պարտությունը սկսում է պայմանավորել քո կյանքն իրական աշխարհում ... Վիրտուալը սկսում է որոշել իրականը ...

Ցանցից կախվածության մասով ՀՀ-ն աշխարհում հավանաբար առաջին պետությունն է։
Իսկ քաղ. տեխնոլոգիայի դիքերից ասեմ, որ քաղ և մեդիամանիպուլյացիոն գործիչների ներկա ծավալն ու որակը բացառիկ է, երբեմն վիրտուոզության հասնող։

Մի փուլում ենք, երբ «homo sapiens»-ը ինտենսիվորեն վերածվում է «homo idioticus»-ի, առավել հեշտ կառավարվելու համար»,- ֆեյսբուքյան իր էջում գրել է քաղաքագետը։