Թուրքիայի դեմ պատժամիջոցներ կիրառելու սպառնալիքն աճում է
Թուրքիայի դեմ ԱՄՆ պատժամիջոցների սպառնալիքը՝ կապված Ռուսաստանից Ս-400 զենիթահրթիռային համակարգերի (ԶՀՀ) ձեռքբերման հետ, մեծանում է: Պետքարտուղարի ռազմաքաղաքական հարցերով օգնական Քլարք Կուպերը նման նախազգուշացում է արել Անկարային, հաղորդում է ՏԱՍՍ-ը:
«Ինչ վերաբերում է CAATSA-ի շրջանակներում պատժամիջոցներին, ապա դրանց կիրառման ռիսկը երբեք չի վերացել: Այն, ինչ մենք տեսնում ենք մինչ այժմ՝ անցած եւ այս տարվա ժամանակահատվածում, աճող ռիսկ է»,- ասել է ԱՄՆ արտաքին գործերի նախարարության պաշտոնյան՝ լրագրողների համար առցանց ճեպազրույցում մեկնաբանելով Ս-400 համակարգերի գնման համար Անկարայի հանդեպ Վաշինգտոնի կողմից սահմանափակող միջոցների կիրառման հեռանկարները: CAATSA-ն «Պատժամիջոցների միջոցով Ամերիկայի հակառակորդներին հակադարձելու մասին» 2017թ. օրենքն է։ Այս նորմատիվ իրավական ակտը սպառնում է միակողմանի սահմանափակումներ կիրառել այն պետությունների նկատմամբ, որոնք Ռուսաստանից զենքի եւ ռազմական տեխնիկայի ժամանակակից խոշոր համակարգեր են ձեռք բերում:
Կուպերի կարծիքով՝ պետությունները, որոնք դիտարկում են Մոսկվայից նման ապրանքներ գնելու հնարավորությունը, հետեւում են այս ոլորտում ԱՄՆ հետագա քայլերին: «Կարծում եմ, որ որոշ երկրներ հետեւում են իրադարձությունների այս զարգացմանը, նրանք ուշադիր հետեւում են, իրենք իրենց ապահովագրում են՝ տեսնելու, թե ինչպիսին կլինեն հնարավոր պատժամիջոցները Թուրքիայի դեմ: Եթե նայեք CAATSA-ին, կա մեծ ճկունություն սահմանափակումների կիրառման տեսանկյունից, պատժամիջոցների հարցում բոլորի համար մեկ մոտեցում չի նախատեսված»,- ասել է ամերիկացի դիվանագետը:
Նա հավաստիացրել է, որ պատժամիջոցների ռիսկը, որոնց Թուրքիան ինքն իրեն ենթարկում է, բավական իրատեսական է: «Ինչ վերաբերում է պատժամիջոցներին, ապա մեկ տարի առաջ ԱՄՆ-ի մտադրությունն էր Թուրքիային դուրս բերել իր դեմ պատժամիջոցների սպառնալիքից: Դա մեզ վերադարձնում է այսօրվա օրը: Նշված ռիսկը շատ իրական է: Պատժամիջոցները գործողության իրական տարբերակներից մեկն են: Ես կկրկնեի, որ դա չի վերացել»,- ասել է Կուպերը:
Նրա տեսանկյունից, «անցած տարվա ընթացքում Թուրքիան բաց է թողել հաշտվելու եւ ԱՄՆ-ի ու ՆԱՏՕ-ի հետ լավ ուղի վերադառնալու հնարավորությունը»:
Հրդեհ՝ Կոտայքի մարզում․ Գետամեջի թռչնաֆաբրիկայում առաջացած կրակը տեսանելի է մի քանի կիլոմետրից
Ռոմանոս Պետրոսյանը ՀԷՑ-ում կադրային ջարդ է սկսել
Սոնա Մնացականյանին վրաերթի գործով մեղադրյալը մեղավոր ճանաչվեց
Թրամփը հայտարարել է, որ թույլ կտա ԱՄՆ ժամանած ուկրաինացիներին մնալ երկրում մինչև պատերազմի ավարտը
Եթե ավագանու մանդատի հետ համատեղելի առաջարկ լինի կհամաձայնեմ, նախարար նշանակվելու լուրերը հերքում եմ...
Արբիտրաժային դատարանում Հայաստանի դեմ շուրջ 1,5 մլրդ դոլարի հայցապահանջ կա
«Շատ գազ չտաք». Ի՞նչ է հրահանգել թիմակիցներին Նիկոլը արձակուրդ գնալուց առաջ
Թուրքիան կարող է ՌԴ-ին հանձնել «Կրոկուսի» ահաբեկչության գործով հետախուզվող բոլոր անձանց
Կամչատկայում երկրաշարժի ժամանակ վիրաբույժները «գրկել են» պացիենտին, մինչ շուրջն ամեն ինչ ցնցվում էր ...
Երևանում «Mini Cooper»-ը հարվածել է կայանված «Nissan»-ին, վերջինը կողաշրջվել է