ԱԱԾ-ն հարցաքննել է Գրիգորի Խաչատուրովի կալանավորումը մերժած դատավոր Տիգրան Դավթյանի աշխատակազմին
Իրավապահների թիրախում այս անգամ հայտնվել է Հակակոռուպցիոն դատարանի դատավոր Տիգրան Դավթյանը։ Դեռևս Գրիգորի Խաչատուրովի կալանքը մերժելուց հետո տեղեկություններ շրջանառվեցին այն մասին, որ գործող իշխանությունը, որը բավականին ծանր էր տարել Խաչատուրովին չկալանավորելու որոշումը, պատրաստվում է գլխավոր դատախազության միջոցով որոշակի գործընթաց իրականացնել դատավորի նկատմամբ և ինչպես հաստատվեց՝ առանց կրակ ծուխ չի լինում։ Մամուլում ավելի վաղ արդեն տեղեկություններ շրջանառվել են, որ գլխավոր դատախազությունը գրություն է ուղարկել Ազգային անվտանգության ծառայություն՝ գործավարական կարգի ենթադրյալ խախտման համար Տիգրան Դավթյանի նկատմամբ վարույթ նախաձեռնելու:
«Փաստինֆո»-ի տեղեկություններով՝ Հակակոռուպցիոն դատարանի դատավոր Տիգրան Դավթյանի աշխատակազմի մասնակցությամբ երեկ ԱԱԾ-ում հարցաքննություն է եղել, որը բավականին կարճ է տևել։ Տիգրան Դավթյանը դեռևս չի հարցաքննվել։
Ի դեպ, իշխանություններին ոչ այդքան հաճելի որոշումներ կայացնելուն հաջորդած՝ դատավորների նկատմամբ այդ թվում քրեական հետապնդումները, այլևս դադարել են արտառոց դեպք համարվելուց։
Հիշենք՝ Երևանի ընդհանուր իրավասության դատավոր Դավիթ Գրիգորյանի գործը, երբ նրա նկատմամբ հետապնդումը հարուցվեց ՀՀ երկրորդ նախագահ Ռոբերտ Քոչարյանի կալանավորումը անազատության հետ չկապված խափանման միջոցով փոխարինելու և գործով ՍԴ դիմելու որոշումը կայացնելուց հետո։ Սյունիքի մարզի ընդհանուր իրավասության դատավոր Բորիս Բախշիյանի գործը, որի նկատմամբ քրեական հետապնդում հարուցվեց լեգենդար հրամանատար Աշոտ Մինասյանին կալանքից ազատելուց հետո՝ Նիկոլ Փաշինյանի աջակից Նվեր Մկրտչյանին կալանավորելու որոշում կայացնելու համար։
Թե Դավիթ Գրիգորյանը, թե Բորիս Բախշիյանը, իհարկե, արդարացվել են, սակայն դա ամրագրող դատական ակտերը դեռ օրինական ուժի մեջ չեն մտել ու այդ դատավորների լիազորությունները շարունակում են մնալ կասեցված։ Ավելին՝ նրանց ուղարկել են ռեզերվ։
Նախարարը կաթված է ստացել ուղիղ եթերում (տեսանյութ)
Պուտինի վարչակազմի՝ Հայաստանի հարցերով զբաղվող ղեկավարը նոր լիազորություններ կունենա
«Հայանտառն» ու Գագիկ Խաչատրյանի կինը հաշտություն են կնքել, ապօրինի կառուցված ցանկապատը կքանդվի 35 տա...
Հրատապ այց․ ինչո՞ւ է Երևան գալիս ամերիկացի սկանդալային իրավապաշտպանը
«Զգուշացում Ալիևին». ռուսաստանցի լրագրողները նշել են Ադրբեջան-Ուկրաինա գազային միջանցքի վրա հարվածի ...
Զբոսաշրջիկների ամրագրումները չեղարկած հյուրանոցի դեմ վարույթ է հարուցվել
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...
Կաշառակերության մեջ մեղադրվող թաղապետը կրկին անցավ աշխատանքի
ՌԴ-ն hարվածել է կոմպրեսորային կայանին, որով Ադրբեջանից գազը մատակարարվել է Ուկրաինա