«էդ ի՜նչ վտանգավոր հանցագործ էին բռնում». Մադաթյանը` «Վստրեչի Ապերի» տուն ներխուժելու մասին

Հոգեբան Միրհդատ Մադաթյանը կարծում է, որ ոստիկանների նեխուժումը «Վստրեչի Ապեր» մականունով հայտնի Արամ Վարդանյանի տուն ոստիկանապետ նշանակելու նախաշեմին ինչ-որ ինքնահաստատման խնդիր էր: Այս մասին այսօր` մարտի 9-ին, ասաց նա լրագրողների հետ հանդիպման ժամանակ:

«Ես չգիտեմ` ինչ ինքնակայացման խնդիրներ էին լուծում եւ ինչքան գիտեմ Վարդանյան Արամը քաղաքում չի, հանրապետությունում չի եւ էնտեղ երեխա կար եւ այլն, եւ այլն: Հիմա ես չգիտեմ` էդ ինչ վտանգավոր հանցագործ էին բռնում, երեւի ինչ-որ մի ձեւ բացատրություն կտան: Էս իրավիճակում ամենազավեշտալին այն է, որ ինչ-որ իրեր են կորել բնակարանից ու իրավիճակը զավեշտալի է, որովհետեւ մենք ոստիկանության կողմից նախկինում նման իրավիճակ չենք ունեցել ու վստահ կարող ենք ասել, որ չի եղել նման բան: Հնարավոր է, որ ոստիկանապետ նշանակելու նախաշեմին ինչ-որ ինքնահաստատման խնդիր էր, որ լուծվում է»

Հոգեբանը նշեց, որ ինքը չի հասկանում Արամ Վարդանյանի կապն այսօրվա քաղաքականության հետ եւ ընդհանրապես հայրենիքում ներդրումներ անելու հետ:

«Էստեղ ավելի կարեւոր խնդիր կա եւ կարծում եմ` ուշադրություն շեղելու այս պահը բնորոշ է այսօրվա իշխանություններին»,- ասաց նա:

Հիշեցնենք, որ 2020թ. մարտի 4-ի գիշերը՝ ժամը 02.40-ի սահմաններում, ոստիկանության հարյուրավոր աշխատակիցներ ներխուժել են Արամ Վարդանյանին եւ նրա հարազատներին պատկանող Արցախի փողոցի 17 հասցեում գտնվող տներ։

Կատարված գործողությունների արդյունքում բերման էին ենթարկել Արամ Վարդանյանի որդուն եւ 2 քաղաքացու, 2 քաղաքացի էլ ձերբակալվել է, որից մեկը Վարդանյանի եղբորորդին է, մյուսը՝ հարեւանը:

Նշենք, որ տան խուզարկությունը շարունակվում էր նաեւ երեկ։ Վարդանյանի փաստաբաններ Երվանդ Վարոսյանին եւ Լուսինե Սահակյանին քննիչները ներկայացրել էին տանը խուզարկությունն իրականացնելու դատարանի որոշումը։ Ըստ որոշման բովանդակության՝ նրանք Վարդանյանի տանը փնտրում էին զենք-զինամթերք, չգտնելով նմանատիպ իրեր, վերցրել են Վարդանյանի անձնական կյանքին վերաբերող տեսաերիզներ։

Այս թեմայով Նիկոլ Փաշինյանը իր վրայից մեղքը բարդում է Քոչարյանի վրա. Միհրդատ Մադաթյանը Քաղաքացիների 90 %-ը չգիտի, թե ինչին է «Այո» քվեարկելու․ Միհրդատ Մադաթյան (տեսանյութ)