Աֆղանստանի իշխանություններն ուղիղ բանակցություններ են ակնկալում թալիբների հետ
Աֆղանստանի կառավարությունն ուղիղ բանակցություններ է ակնկալում թալիբների հետ, հայտարարել է Աֆղանստանի Իսլամական Հանրապետության Ազգային ժողովի ստորին պալատի նախագահ Միր Ռահման Ռահմանին, փոխանցում է «ՌԻԱ Նովոստի»-ն:
«Խաղաղության գործընթացը, «Թալիբան» խմբավորման դժկամության պատճառով, ցավոք սրտի, դեռ չի ընթանում այն ուղղությամբ, երբ կսկսվեին ուղիղ բանակցությունները... Աֆղանստանի պետությունը, ժողովուրդը եւ կառավարությունը ցանկանում եւ ակնկալում են, որ կառավարության եւ «Թալիբան»-ի միջեւ բանակցություններ կսկսվեն»,- ասել է Ռահմանին Պետդումայի նախագահ Վյաչեսլավ Վոլոդինի հետ հանդիպման ժամանակ:
Նա նշել է, որ ԱՄՆ-ի եւ թալիբների միջեւ բանակցություններն «առայժմ ոչ մի շոշափելի արդյունքի չեն բերել»: Նրա խոսքով` Աֆղանստանի խորհրդարանը չունի պատշաճ տեղեկատվություն այդ բանակցությունների վերաբերյալ: Ինչպես հավելել է խորհրդարանականը, երկրի իշխանություններն անհանգստացած են ԱՄՆ-ի եւ թալիբների միջեւ նման բանակցությունների ընթացքով: «Մենք ակնկալում ենք, սպասում ենք, որ «Թալիբան»-ը կհամաձայնի սկսել բանակցությունները (իշխանությունների հետ)»,- ասել է Ռահմանին:
Վաշինգտոնն ու աֆղանական «Թալիբան» շարժումը մոտ են հրադադարի հաստատմանը. ստորագրումը կարող է տեղի ունենալ փետրվարի վերջին, ինչը հնարավորություններ է բացելու միջաֆղանական երկխոսության համար, երկուշաբթի հայտարարել է քաթարական «Աշ-Շարք» թերթը:
Ավելի վաղ CNN-ը, վկայակոչելով Պենտագոնի պաշտոնյաներին, նշել էր, որ ԱՄՆ նախագահ Դոնալդ Թրամփի վարչակազմը շուտով կարող է հայտարարել թալիբների հետ բռնությունները դադարեցնելու վերաբերյալ համաձայնագրի մասին:
ԱՄՆ-ն եւ թալիբները բանակցություններ են վարել 2019-ի մի քանի ամսվա ընթացքում: Աֆղանստանի հարցերով ԱՄՆ ներկայացուցիչ Զալմայ Խալիլզադը եւ Դոհայում «Թալիբան»-ի քաղաքական գրասենյակի պատվիրակությունը բանակցությունների ութ փուլից հետո համաձայնության էին եկել խաղաղության պայմանագրի նախագծի շուրջ, որը հրադադարի ռեժիմ, Աֆղանստանից օտարերկրյա զորքերի դուրսբերում եւ միջաֆղանական համընդհանուր խաղաղության բանակցությունների մեկնարկ էր նախատեսում: Սակայն սեպտեմբերին Քաբուլում եւ մի շարք այլ քաղաքներում «Թալիբան»-ի կողմից իրականացված մի շարք ահաբեկչական գործողություններից հետո, որոնց ընթացքում նաեւ ԱՄՆ զինվորականներ էին զոհվել, նախագահ Դոնալդ Թրամփը կարգադրեց դադարեցնել բանակցությունները թալիբների հետ եւ չեղյալ հայտարարեց պայմանագրի ստորագրումը:
Հունիսի 7-ը Մեր 2-րդ Անկախության Հանրաքվեն Է
Աննա Ամրոյանը ոսկե մեդալ է նվաճել ծանրամարտի Եվրոպայի առաջնության հրում վարժությունում
Պաշտպանության ոլորտում ստորագրվել են Հայաստան-Կիպրոս երկկողմ և Հայաստան-Հունաստան-Կիպրոս եռակողմ համ...
Սուրեն Աղաջանյանը՝ ըմբշամարտի Եվրոպայի փոխչեմպիոն, Սլավիկ Գալստյանն ու Գասպար Տերտերյանը՝ բրոնզե մեդ...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...