Մեծ Բրիտանիայի թագավորական ընտանիքում հերթական պառակտումն է տեղի ունեցել

Մեծ Բրիտանիայի թագուհի Եղիսաբեթ II-ի ավագ թոռան՝ Փիթեր Ֆիլիպսի կինը որոշել է ամուսնալուծվել ամուսնությունից 12 տարի անց, հաղորդում է The Sun-ը՝ հղում անելով իր աղբյուրներին:

41-ամյա Օթեմ Քելին հայտարարել է որոշման մասին այն բանից հետո, երբ արքայազն Հարին եւ Մեգան Մարքլը հրաժարվել են թագավորական ընտանիքի անդամի կարգավիճակից: Քելիի մտերիմները կարծում են, որ հենց դա է հրահրել թագավորական ընտանիքում հերթական պառակտումը:

«Փիթերը հիասթափված է: Նա չէր ակնկալում, որ նման բան կլինի: Նա պարզապես շոկի մեջ է: Նա կարծում էր, թե իդեալական ընտանիք ունի եւ երկու հրաշալի աղջիկներ»,- պնդել է նրա ընկերը:

«Օթեմը հիանալի կին եւ մայր է եւ շատ կրթված կին: Վերջին շրջանում նա բողոքում էր, որ իրենց հարաբերություններում ամեն ինչ հարթ չէ: Անկասկած, Նորին մեծությունը կվրդովվի: Թագավորական ընտանիքը մասնատվում է»,- հավելել է պարբերականի զրուցակիցը:

Աղբյուրները հայտնել են նաեւ, որ Օթեմը մտադիր է նոր կյանք սկսել Կանադայում՝ հետեւելով Հարիի եւ Մեգանի օրինակին: «Հնարավոր է, որ նա մտածել է. «եթե մյուսները կարող են նման բան անել, ինչո՞ւ ես չեմ կարող»: Ես չեմ կարծում, թե նրանցից մեկը սիրավեպ է ունեցել: Նրանք պարզապես հեռվացել են միմյանցից, եւ Փիթերը դա չի նկատել»,- ասել է Ֆիլիպսի ընտանիքի մտերիմը: