Ազատ խոսքը ենթարկվեց հերթական հարձակման
Հայաստանում ազատ խոսքը պարբերաբար ենթարկվում է բացահայտ եւ քողարկված հարձակումների: Իշխանության եկած քաղաքական ուժն այլեւս չի կարողանում թաքցնել, որ տանել չի կարողանում իրենից անկախ գործող լրատվամիջոցների գործունեությունը:
Երբ ֆեյսբուքյան լրահոսում աչքովս ընկավ «Ձերբակալվել է 5-րդ ալիքի սեփականատերը» վերնագրով լուրը, մտածեցի, որ լայք հավաքողների հերթական հնարքն է, բայց...
«5-րդ ալիքի» սեփականատեր Արմեն Թավադյանը ձերբակալվել է մի երկրում, որի թիվ մեկ պաշտոնյան առիթը բաց չի թողնում հայտարարելու, թե մամուլը Հայաստանում երբեք այսքան ազատ չի եղել:
Թավադյանի ձերբակալությունն այնքան անհեթեթ է, որ անգամ դժվար է բառերով նկարագրել իրավիճակի անլրջությունը: Ձերբակալման հիմքերը պարզ չեն անգամ նրա փաստաբաններին, իրավաբաններին: Տրամաբանական բացատրություն չկա, թե Թավադյանի որ գործողությունն է ՀՔԾ-ն համարում ապօրինի։
Ավելի քան պարզ է, ակնհայտ, որ Թավադյանի ձերբակալության հիմնական պատճառը 5-րդ ալիքի գործունեությունն է: Փորձ է արվում լռեցնել ազատ խոսքը, ազատ միտքը: Այս ամենը չի կարող չմտահոգել հանրության առողջ հատվածին:
Կառավարող ուժը, կարծես թե, խնդիր է դրել լռեցնել այն խոսքը, այն միտքը, որը դուրս չի գալիս կառավարության շենքից կամ կառավարական առանձնատնից: Ինչի մասին է վկայում այս ամենը՝ իշխանությունների թուլության եւ ազատ մամուլի նկատմամբ նրա ունեցած վերաբերմունքի:
Այս ամենը թուլացնում է պետությունը, հարվածում մեր անվտանգությանը, դանդաղեցնում մեր առաջընթացը: Տպավորություն է, թե իշխանությունների երազանքն է, որ երկրում մամուլը, լրատվամիջոցները լինեն այնպիսին, ինչպիսին խորհրդային տարիներին էին: Ափսոս, որ համառորեն չեն հասկանում, որ այդպես այլեւս չի կարող լինել:
Yerevan.Today-ը խուզարկում են ու տեխնիկան տանում, իբր ուզում են իրավական պետություն կառուցել: «Հայելիի» վրա ձու են նետում, մնում անպատիժ, «Ժողովուրդ» օրաթերթի օֆիսն են տակնուվրա անում, իսկ մինչ օրս հանցագործները բերման չեն ենթարկվում (հիմա ձեռնաշղթաներով բերման են ենթարկում ուսխորհրդի նախագահներին): «Բլոգնյուզի» խմբագրին են հրավիրում ԱԱԾ, News.am-ից ինչ-որ անհասկանալի պահանջով գրասենյակ են գնում, իհարկե, կրկին իրավական պետություն կառուցելու համար: «Կենտրոնի» լրագրողն ու օպերատորը խուժանի կողմից, «հպարտների» եւ «դուխովների» կողմից հարձակման են ենթարկվում: Յուրաքանչյուր հոդվածի հեղինակ ֆեյսբուքում արժանանում է հայհոյանքների եւ անեծքների, եթե համարձակվում է քննադատել գործող իշխանություններին եւ հատկապես վարչապետին:
Այս ամենն արդեն անսահմանության աստիճանի զզվելի ու անդուր է: Այս ամենն արդեն վաղուց քայքայում եւ թուլացնում է պետությունն ու հասարակությունը:
Գեղամ Նազարյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Եվրամիությունը չի հասկանում Իրանում պատերազմի նպատակները. Կալաս