Բալասանյանը հիմա էլ որդուն է ստիպում

Խորհրդարանական ընտրությունների ժամանակ՝ գյումրեցին ընտրություն կատարելուց առաջ, հաշվի կառնի 2016 թվականի Գյումրու ՏԻՄ ընտրությունների դառը փորձը:

Խոսքն այն մասին է, որ Գյումրու գործող քաղաքապետ Սամվել Բալասանյանը, ով մի շարք կուսակցությունների դռներ է թակել, անդամակցել, հետո շահ չունենալով հեռացել (Բալասանյանը եղել է ՕԵԿ-ական, ԲՀԿ-ական, հիմա հարում է ՀՀԿ-ի գաղափարներին, համենայն դեպս նա է այդպես հայտարարում,-խմբ.), իր չստացված քաղաքական գործունեության ընթացքում խաբել է ոչ միայն նշյալ կուսակցություններին, այլ նաեւ հարազատ համաքաղաքացիներին, նույնիսկ այն ստվար ընտրազանգվածին, ովքեր միամտորեն եւս մեկ անգամ իրեն քվե են տվել եւ օգնել հասնել քաղաքապետի հարմարավետ աթոռին:

Քայլում ենք Գյումրու կենտրոնական փողոցներով՝մարդիկ դժգոհում են, իսկ պատճառը մայթերի եւ փողոցների սառցապատ վիճակն է: Տարեցները չեն կարողանում անցնել, շատացել է կոտրվածքներով հիվանդանոցներ դիմողների թիվը: Զրուցում ենք գյումրեցիներից մեկի հետ: Չի թաքցնում, որ քաղաքապետի ընտրությունների ժամանակ հենց կուսակցական երկակի խաղ խաղացած Բալասանյանին է ընտրել, միաժամանակ արդարանում է. «Մեծ կնիկ եմ, հացի, լույսի ու գազի փող մենակ թոշակ-նպաստով եմ վճարում….»,- ասում է ու լռում: Թեեւ շարունակությունը լսել էլ պետք չէ, նույնիսկ ենթադրելն է անհիմն:

Սամվել Բալասանյանը անբարեկարգ փողոցների բարեկարգման մասին լսելիս, որոնք ձմռանը՝ սառույցների, գարնանը ցեխ ու աղբի, իսկ ամռանը՝փոշու մեջ անհայտ կորած են, շարունակ շահարկում է 26.8 մլն եվրո վարկի պատմությունը, որով արդեն 3-րդ նախընտրական քարոզչությունն է անում (2015 թվական՝ սահմանադրական հանրաքվե, 2016 թվական՝ Գյումրու ՏԻՄ ընտրություններ, 2017 թվական՝ խորհրդարանական ընտրություններ):

Հիշեցնենք, որ այս վարկային ծրագրից օգտվում են Գյումրու փողոցները եւ արտաքին լուսավորման ցանցը բարեկարգելու նպատակով, բայց ծրագիրը այդպես էլ չի մեկնարկում:

Փողոցների անմխիթար վիճակից զատ, Գյումրիում առկա է աղբահանման լուրջ խնդիր: Աղբամաններն աղբով լի են մնում օրեր շարունակ: Սա այն դեպքում, երբ որոշ տեղեկությունների համաձայն Գյումրու համայնքային բյուջեից աղբահանմանը ու շրջակա միջավայրի պահպահմանը հատկացվել է մոտ 300 մլն դրամ:

Հարկ է նշել, որ Գյումրու քաղաքապետ Բալասանյանի 2016-ի նախընտրական շրջանում տարբեր նկարների վրա գրված կարգախոսներն այժմ հակասում են Գյումրու ներկա վիճակին: Մեկ հետաքրքիր հարց է առաջանում. երբ քաղաքապետն իր խոստումները չի իրականացնում, ինչո՞ւ է ստիպում, որ որդին՝ Խաչատուր Բալասանյանը խոստումներ տա, պատգամավոր գուցե ընտրվի եւ խոստումները չկատարի:

Դավիթ Կարապետյան

Այս թեմայով Վարդան Ղուկասյանը երկու ամսով կալանավորվեց Գյումրիի քաղաքապետարանը քաղաքացիներին հորդորում է չտրվել սադրանքների Կարմիր ու սեւ բերետավորները բիրտ ուժի կիրառմամբ բերման են ենթարկում քաղաքացիներին. լսվում են հայհոյանքներ (տեսանյութ) Գյումորւ քաղաքապետ Վարդան Ղուկասյանին տեղափոխում են Երևան՝ Հակակոռուպցիոն կոմիտե Ինչպես են կարմիր բերետավորները մուտք գործում Գյումրիի քաղաքապետարանի շենք (տեսանյութ)