Խայտառակ խորհրդարան եւ փոփոխությունների անհրաժեշտություն
Կույր կամ առնվազն անազնիվ պետք է լինել չխոստովանելու համար, որ ապրիլի 2-ին ձեւավորվեց հայաստանի բոլոր ժամանակների ամենախայտառակ եւ բառիս բուն իմաստով ապաքաղաքական խորհրդարանը:
Զավեշտն այն է, որ այս խորհրդարանը ձեւավորվեց սահմանադրական փոփոխություններից հետո, որի գլխավոր նպատակներից մեկը, իբրեւ թե, խորհրդարանի եւ քաղաքական ուժերի դերի բարձրացումն էր:
Շուտով պարզ կդառնա խորհրդարանի վերջնական կազմը, բայց արդեն իսկ այսօր ակնհայտ է, որ Հայաստանին առաջընթացի եւ զարգացման համար անհրաժեշտ է նոր քաղաքական վիճակ եւ նոր խորհրդարան, իսկ ավելի ճիշտ՝ խորհրդարան:
Այն, ինչ ձեւավորվեց ապրիլի 2-ի միջոցառումից հետո, նույնիսկ ամենամեծ ֆանտազիայի դեպքում չի կարելի խորհրդարան անվանել:
Հայաստանը եթե մինչեւ ապրիլի 2-ն ուներ արմատական փոփոխությունների անհրաժեշտություն, հիմա այն առավել սրությամբ է զգացվում: Օր առաջ առողջ ուժերը, անկախ կուսակցական պատկանելիությունից, զբաղեցրած դիրքից պետք է խելք-խելքի տան երկիրն այս վիճակից դուրս բերելու համար: Անհնար է առաջընթաց այսպիսի խորհրդարանի առկայությամբ եւ այսպիսի ամայացած անապատացված քաղաքական դաշտով:
Իսկ եթե հիշենք սոցիալ տնտեսական իրավիճակի մասին, նայենք անկախ տնտեսագետների կանխատեսումները, ապա առավել եւս պետք է ընդունենք, որ արմատական բարեփոխումները պետք է սկսել օր առաջ, մի կողմ դնելով բոլոր անձնական նկրտումներն ու ձգտումները: Այսպես շարունակել չի կարելի: Այսպես, լավագույն դեպքում, Հայաստանում կստեղծվի երկարաժամկետ քաոս, որտեղ կարող են գլուխ բարձրացնել արկածախնդիր, առկա իրողությունները չնկատող մարդիկ:
Օր առաջ Հայաստանում պետք է ձեւավորվի «ազատների» իշխանություն, այնպիսի մարդկանց, որոնք հեռու են արկածախնդրությունից, որոնք սիրում են հայրենիքը, հասկանում են ինչ է պետությունը, հասկանում են ընտրակաշառքի եւ կեղծված ընտրությունների վնասարար ազդեցությունը երկրի եւ ժողովրդի վրա:
Մեզ անհրաժեշտ է «ազատների» կառավարություն, խորհրդարան, որ կարողանանք մարդկանց ստիպել ապրել օրենքներով, չխախտել այն եւ ապրել նորմալ մարդու նման, եւ ոչ թե ազգովի գողական-գողական կամ տասովշիկ-տասովշիկ խաղանք կամ էլ ընդդիմադրի դիմակներով մոլորեցնենք հանրությանը:
«Ազատների» կառավարության, իշխանության ստեղծումն անհրաժեշտություն է: Հակառակ պարագայում մեզ, մեղմ ասած, լավ օրեր չեն սպասվում:
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...