Աչքի գերանը չի երեւո՞ւմ
Արարատ Միրզոյանը մի շարք ուշագրավ հայտարարություններ է արել։ Այսպես, անդրադառնալով Ռոբերտ Քոչարյանի դատարանում արած հայտարարությանը, թե իր դեմ «գործ են կարել», Արարատ Միրզոյանն ասել է, թե դատարանի հասցեին սպառնալիքներն անընդունելի են, ով ուզում է լինի, իսկ «գործ կարելու» մասին ասել է՝ պարոն Քոչարյանը, երեւի թե առաջնորդվում է այն սկզբունքներով ինչով ինքն էր առաջնորդվում պաշտոնավարելիս...
Արարատ Միրզոյանի պատկերացումները դատական համակարգի մասին, արժեքները եւ մեթոդներն, իրապես, տարբերվում են: Ի վերջո, որեւէ իշխանության մտքով չէր անցնում ժողովրդին կոչ անել շրջափակել դատարանների շենքերը եւ խոչընդոտել դատավորների, դատարանների աշխատանքին, փողոց հանել մոտ 1090 հոգի ու հայտարարել, թե ժողովրդի պահանջով է։
ԱԺ նախագահն ասում է, թե դատարանի հասցեին սպառնալիքներն անընդունելի են, բայց ոչինչ չի ասում այն մասին, որ վարչապետը կոչ արեց շրջափակել դատարանները եւ այդ կոչին արձագանքեցին հիմնականում ՔՊ-ական ԱԺ պատգամավորները: Մի՞թե դատարանների աշխատանքի կազմալուծումը սպառնալիք չէր կամ կոնկրետ սպառնալից գործողություն:
Մի՞թե Արարատ Միրզոյանը ծանոթ չէ այն գաղտնալսված հեռախոսազրույցին, որտեղ խոսվում էր նաեւ մի դատավորի, վախեցած դատավորի մասին, որին «վերեւից» հանձնարարություն էին տվել:
Իսկ արդյոք սպառնալիք չէ այն, ինչ արեց ՀՀ առողջապահության նախարար Արսեն Թորոսյանը, վեթինգով սպառնալով դատավորներից մեկին, կամ երբ իրենց կուսակից, կոռուպցիայի դեմ պայքարի թիվ մեկ առաջամարտիկ Դավիթ Սանասարյանը հայտարարեց, թե չի մասնակցի դատական գործընթացին, քանի որ չի վստահում դատավորներին:
Իսկ սպառնալի՞ք չէ, երբ վարչապետը պարբերաբար հայտարարում է, թե մի՞թե Հայաստանում դատավոր կա, որ իր ասածը չլսեն, եւ ոչ իր սրտով դատավճռից հետո սպառնում վեթինգով ու փողոց հանում 1090 հետեւորդներին։
Իսկ ճնշո՞ւմ չէ, երբ երկրի վարչապետը հանրահավաք է անում ու հայտարարում, թե մարտի 1-ի գործն, ըստ էության, ամբողջությամբ բա-ցա-հայտ-ված է։ Եւ դրանից հետո մեկ տարի շարունակ ՀՔԾ-ն ու դատախազությունը, ըստ հրահանգի, սկսում են գործի «բացահայտումը», իսկ երբ որոշ դատավորներ հրաժարվում են կատարել հանձնարարությունը, նրանց դեմ սկսվում է խաչակրաց արշավանք։
Այնպես որ, իրոք, նոր իշխանությունների մեթոդներն ու արժեքները շատ տարբեր են:
Գեղամ Նազարյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...