Ում հետ են ցանկանում ամուսնանալ գյումրեցի աղջիկները
Հետընտրական իրավիճակները զարգացան այնպես, որ որոշ պատգամավորի թեկնածուներ, որոնց չի հաջողվել հաղթահարել անցողիկ շեմը, սկսել են բնակիչներից հետ պահանջել իրենց բաժանած ընտրակաշառքները: Հասարակության մեջ այս օրերի ընթացքում ձեւավորվեց մի այսպիսի կարծիք. քվեների առք ու վաճառքում մեղավորության մեծ բաժին ունեն ընտրողի եւ ընտրվողի միջեւ կանգնած միջնորդները: Ասել է թե՝ ձայն հավաքող «տասովշիկները»:
Փորձեցինք մի փոքր հարցախույզ անցկացնել աղջիկների եւ կանանց շրջանում, պարզելու համար, թե ի՞նչ կարծիք ունեն այն տղաների կամ ամուսինների մասին, ովքեր պիտակավորված են՝ ձայն հավաքող «տասովշիկներ» անվամբ:
Գյումրեցի աղջիկների շրջանում եղան համարձակներ, ովքեր հաստատակամ նշեցին, որ չեն ցանկանա նման գործարքի մեջ մտնող տղամարդու հետ համատեղ կյանք ունենալ:
Գյումրեցի աղջիկների պնդմամբ՝ նրանք օրինակելի հայր չեն կարող լինել:
«Փող բաժանելը դեռ մարդու տեսակի նկարագիր չէ՝ իմ կարծիքով: Փող բաժանողի հոգեբանությունն է խեղաթյուրված: Եթե ինչ-որ մեկը կարող է մեկ այլ մարդու ստիպի, որ արջի ծառայություն մատուցի՝ փող բաժանի, կաշառք վերցնի, ընտրակեղծարարություն անի, ապա նման տղամադրու հետ չեմ ամուսնանա»,- նշեց մեր հարցանը մասնակցած երիտասարդ աղջիկներից մեկը:
«Ամուսնու որակական հատկանիշների վերաբերյալ երազանք չունեմ։ Առաջնայինն իհարկե մարդու էությունն է։ Տասովշչիկը չի կարող երկրի իրական քաղաքացի ու հայրենասեր լինել։ Հետեւաբար իմ երեխաների հորն այդպիսին չեմ պատկերացնում»,- ասաց մեկ այլ գյումրեցի աղջիկ։
Զարմանալի է, բայց փաստ, որ կան աղջիկներ, ում չի հետաքրքում տղայի մարդկային որակական հատկանիշները, գոնե այս հարցի առումով: Նրանք գերադասում են արտաքին տվյալները, իսկ «կայացած քաղաքացի» հատկանիշը բացակայում է ցանկալի
փեսացու համարվելու պահանջների ցանկից:
«Եթե հավանեմ եւ ընդունեմ տղային, դա չի խանգարի ընդհանրապես, որ նա կաշառք է վերցրել կամ ինչ-որ մի թեկնածուի անունից բաժանել ուրիշ մարդկանց»,- նշեց մի աղջիկ:
«Մեր երկրի սոցիալ-տնտեսական վիճակը այնքան վատ է, որ ես ընտրակաշառք վերցնողներին կամ բաժանողներին հանցագործներ չեմ համարում: Այդ փողերը, որ վերցրեցինք, մեր փողերն են, որոնք նրանք խլել են անցած հինգ տարիների ընթացքում, եւ եթե կարողացել են մի քանի տեղից պոկել այդ փողերը, դրանում վատ բան չեմ տեսնում: Չէի ասի, որ փող բաժանողները տասովշիկներ են, այլ կասեի, որ լավ տղա են, քանի որ շրջապատ ունեն, հարգանք ունեն դրա համար էլ նրանց վստահվում է այս գործը, թե չէ տասովշիկին ոչ մեկ էլ գումար չի տա»,- եղավ նաեւ այսպիսի կարծիք:
Եթե երիտասարդ եւ չամուսնացած իգական սեռի ներկայացուցիչներին հետաքրքրում
է միայն հակառակ սեռի արտաքին տվյալները կամ այն հանգամանքը, թե նա թաղային մակարդակով ինչ հեղինակություն ունի, ապա այլ կերպ են մտածում ամուսնացած կանայք: Նրանցից հետաքրքրվեցինք, թե ի՞նչ կարծիք կկազմեն իրենց ամուսնու մասին, եթե տեղեկանան, որ ընտրակաշառք է բաժանել կամ վերցրել:
«Ամուսնացած եմ կայուն բնավորության տեր, խիստ պարտաճանաչ, կնոջը հարգող տղամարդու հետ: Տասովշիկ, փող բաժանող բառերը կապ չունեն իմ ընտանիքի հետ: Բացառում եմ, որ ամուսինս ընտրակաշառք վերցնի՝ իր սկզբունքներից վեր է դա: Ճիշտ այդպես բացառում եմ, որ որեւէ մեկի համար աշխատի՝ գումար բաժանի: Դա իր տեսակի հետ կապ չունի: Փող թե մարդու էություն՝ խոհափիլիսոփայական հարց է ու ինձ համար բացառապես ընդունելի չէ այն տարբերակը, որ փողը կարեւոր չէ: Ֆինանսի բացակայության պատճառով շատ ու շատ խնդիրներ ես ունենում, որն իր հերթին դառնում է ընկճախտի պատճառ՝ խարխլելով ընտանիքիդ հիմքերը: Առանց փող բարդ է ապրելը: Յուրաքանչյուրն ինքն է ընտրում, թե ինչ ճանապարհով կարող է այն ձեռք բերել՝ տքնաջան ու համառ աշխատանքի շնորհիվ, թե ավելի հեշտ ճանապարհով»,- նշեց հարցմանը մասնակցած կանանցից մեկը:
«Բնականաբար նա իմ աչքից որպես ամուսին չի ընկնի, բայց որպես
քաղաքացի մի երկու քայլ կիջնի այն հարթությունից, որտեղ այժմ գտնվում է: Չեմ ընդունում ընտրակաշառքը՝ այն անձին դեմ գնալու եղանակ
է»,- մեկնաբանեց մեր զրուցակիցներից մեկը:
«Ընտրակաշառք վերցնելը եւ տալը իմ կողմից բացասական վերաբերմունքի է
արժանանում: Չեմ կարող պատկերացնել, թե ինչ կլինի իմ եւ ամուսնուս միջեւ ընտրակաշառք տալուց կամ վերցնելուց հետո, քանի որ չեմ պատկերացնում նրան այդ գործարքներում»,- եզրափակեց գյումրեցի կանանցից մեկը:
Ահա այսպիսին է գյումրեցի աղջիկների եւ կանանց մոտեցումը: Ինչպես ասում են, ամեն ինչ դեռ կորած չէ:
Աննա Բաղդասարյան
Top-News.am
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
ԵՔՀ 8-րդ գագաթնաժողովի բացման արարողությունը Երևանում. ուղիղ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Միխայիլ Մուդրիկը հակադոպինգային կանոնները խախտելու համար որակազրկվել է 4 տարով