Ընտրություններ եւ ապստամբություն

Նարինե Մկրտչյանը ծավալուն հոդվածով անդրադարձել է նախընտրական շրջանին, անդրադարձել հնարավոր զարգացումներին: Ներկայացնում ենք հոդվածի մի հատվածը:

Հասարակական տրամադրությունները ենթադրել են տալիս, որ ապաքաղաքական եւ գաղափարազուրկ այս ընտրություններն առանձնանալու են նաեւ անվավեր քվեաթերթիկների աննախադեպ բարձր տոկոսով եւ ընտրողների ցածր մասնակցությամբ, թեպետ նրանց ընդհանուր թիվն ի սկզբանե ուռճացվել է, իսկ քվեարկության օրը ընտրատեղամասեր բերված ընտրակաշառվածներով մասնակցության տոկոսը կավելացվի՝ ընտրակեղծարարությունների եւ «մասնակցային ընտրությունների» համար:

Ինչ վերաբերում է քվեարկության արդյունքներին, ապա քարոզարշավը եւ հանրային տրամադրությունները ենթադրել են տալիս, որ դրանց իրական տոկոսային պատկերը թերեւս այսպիսին լինի՝ Ծառուկյան դաշինք-31 տոկոս, ՕՐՕ-25, ՀՀԿ-16, ԵԼՔ-10, Կոնգրես-ՀԺԿ-7, «Ազատ դեմոկրատներ»-3, «Հայկական վերածնունդ»-3, ՀՅԴ-3, ՀԿԿ-2: Սակայն ըստ մանդատների բաշխման (ներառյալ՝ վարկանիշային թեկնածուները) ԿԸՀ-ն, թերեւս, կհրապարակի հետեւյալ տվյալները. ՀՀԿ-44 մանդատ, Ծառուկյան դաշինք-31, ԵԼՔ-10, ՕՐՕ-9, Կոնգրես-ՀԺԿ-7: Այսօրինակ հաշվարկի տրամաբանության համաձայն, առանց ՀՀԿ-ի անհնար կլինի կազմել կոալիցիա: Եվ եթե Ծառուկյանը չհամաձայնի կոալիցիայի, ինչը քիչ հավանական է, ապա ՀՀԿ-ն կոալիցիա կկազմի մնացյալներից որեւէ մեկի հետ՝ ապահովելով մեծամասնությունը: Հնարավոր է նաեւ, որ կոալիցիոն առեւտրից խուսափելու համար ՀՀԿ-ի «հաշվին» ի սկզբանե գրանցվի 51 եւ ավել տոկոս, ըստ այդմ կփոխվեն մնացյալ թվերը:

Նյութի աղբյուրը ` http://hraparak.am/?p=141987&l=am/

Այս թեմայով Պուտինը հաղթում է Ռուսաստանի նախագահական ընտրություններում Ռուսաստանի ԿԸՀ-ն հայտնել է կիբերհարձակման հետմղման մասին Չինաստանում փակվել են Ռուսաստանի նախագահական ընտրությունների ընտրատեղամասերը Ուկրաինայում ռուսաստանցիներին թույլ չեն տալիս մասնակցել Ռուսաստանի նախագահի ընտրություններին Երեւանում ընտրատեղամաս է բացվել Ռուսաստանի նախագահական ընտրություններում քվեարկելու համար