Զելենսկին որսացել է հակակառավարական ալիքը

Այն ժամանակ, երբ Ուկրաինայի նախկին նախագահ Պյոտր Պորոշենկոն և նախկին վարչապետ Յուլյա Տիմոշենկոն երկրի քաղաքական վերնախավում են, թեկնածու Վլադիմիր Զելենսկին կարողացել է որսալ ուկրաինական հակակառավարական տրամադրությունների ալիքը, գրում է The Wall Street Journal-ը:

Ուկրաինայի նախագահական ընտրությունների առաջին փուլի նախնական արդյունքներով՝ Զելենսկին և Պորոշենկոն անցել են 2-րդ փուլ, ընտրությունների մասնակցությունը, ըստ պաշտոնական տվյալների, եղել է 64%:

Հաջորդ քվեարկությունը երկրում տեղի կունենա ապրիլի 21-ին:

Պարբերականը գրում է, որ Վաշինգտոնի և Արևմուտքի համար Ուկրաինան Մոսկվայի հետ հարաբերությունների վատթարացման համար լավագույն «տաք կետն» է:

Ըստ Transparency International-ի տվյալների՝ Ուկրաինան Եվրոպայի ամենակոռումպացված երկրներից մեկն է:

Հիշեցնենք, որ Ուկրաինայի Կենտրոնական ընտրական հանձնաժողովը հրապարակել էր քվեաթերթիկների 90.08 %-ի հաշվարկի արդյունքները: Նոր հրապարակված արդյունքները, սակայն, չեն փոխել ավելի վաղ ներկայացված պատկերը:

Interfax-ի փոխանցմամբ՝ նախագահական ընտրություններում առաջատարը երգիծաբան Վլադիմիր Զելենսկին է: Նրա օգտին է քվեարկել ընտրողների 30.26%-ը:

Զելենսկիին գրեթե երկու անգամ զիջում է գործող նախագահ Պյոտր Պորոշենկոն: Նրա օգտին է քվեարկել ընտրողների 15.99%-ը:

Ինչպես հաղորդում է Ուկրաինայի ԿԸՀ-ն, երրորդ տեղում «Բատկիվշինա» կուսակցության ղեկավար Յուլյա Տիմոշենկոն է՝ ձայների 13.35%-ով: Իսկ «Հանուն կյանքի» ընդդիմադիր բլոկի թեկնածու Յուրի Բոյկոյի օգտին է քվեարկել ընտրողների 11.53%-ը:

Անվավեր է ճանաչվել քվեաթերթիկների 1.18%-ը:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)