ԱՄՆ-ն այդպես էլ չհամոզվեց «ռուսական հետքի» որոնման անիմաստության մեջ. Պեսկով
Կրեմլում ԱՄՆ-ի ընտրություններին ՌԴ-ի միջամտության հետաքննությունը համեմատել են մութ սենյակում գոյություն չունեցող սեւ կատվի որոնման հետ: Այսպես է ՌԴ նախագահի մամուլի քարտուղար Դմիտրի Պեսկովը մեկնաբանել հետաքննության արդյունքները, որն ացնցկացրել է հատուկ դատախազ Ռոբերտ Մյուլերը, հաղորդում է ՏԱՍՍ-ը:
«ԱՄՆ ընրական գործընթացներին միջամտելու մեղադրանքները, որոնք դեռեւս հնչում են ՌԴ հասցեին, մենք, ինչպես նախկինում, անհիմն ենք համարում, քանի որ Մյուլերի զեկույցի հատվածից նշված կարճ տեղեկությունը ոչ մի հիմնավորում չունի», -նշել է նա:
Պեսկովն այս կապակցությամբ հիշել է Կոնֆուցիոսի խոսքերը՝ «Դժվար է մութ սենյակում գտնել սեւ կատվին, հատկապես եթե նա այնտեղ չկա»:
«Ցավոք, դարեր են անցնում, բայց օվկիանոսից այն կողմ դա դեռեւս չեն հասկանում», -ասել է Կրեմլի ներկայացուցիչը:
Նրա խոսքով Մյուլերի զեկույցի հրապարակված հատվածը ոչ մի նոր բան չի պարունակում ամերիկյան ընտրությունների ՌԴ միջամտության մասին մեղադրանքների հիմնավորման տեսանկյունից, «բացի ինչ-որ պայմանավորավածության (Մոսկվայի եւ Թրամփի նախընտրական շտաբի) բացակայության ճանաչումից»: Պեսկովը նկատել է, որ մանրամասն չի կարող մեկնաբանել զեկույցը, քանի որ Կրեմլը փաստաթուղթն ամբողջությամբ չի տեսել:
Պեսկովի խոսքով՝ այս հետաքննության եւ մեղադրանքների վերաբերյալ Մոսկվայի սկզբունքային դիրքորոշումը չի փոխվել:
«Մեր երկիրը չի միջամտել այլ երկրների ներքին գործերին, այդ թվում ԱՄՆ-ի, ներառյալ ընտրական գործընթացներին, չի միջամտում եւ նպատակ չունի միջամտելու, ինչպես նաեւ կտրականապես դեմ է մեր երկրի գործերին այլ պետությունների միջամտությանը», - ասել է Պեսկովը:
Մարտի 24-ին ԱՄՆ արդարադատության դեպարտամենտը, որը միաժամանակ կատարում է գլխավոր դատախազության գործառույթները, ԱՄՆ հատուկ դատախազ Ռոբերտ Մյուլլերի հետաքննության արդյունքների վերաբերյալ զեկույց էր ներկայացրել: Փաստաթղթում, մասնավորապես, նշվում է, որ Մոսկվայի եւ ԱՄՆ նախագահ Դոնալդ Թրամփի ընտրական շտաբի միջեւ պայմանավորվածություն չի եղել: Միեւնույն ժամանակ, զեկույցում կա պնդում, որ Ռուսաստանը փորձել է ընտրությունների վրա ազդել «Ինտերնետային հետազոտությունների գործակալության» եւ հաքերային հարձակումների միջոցով:
Թրամփը եւ նրա օգնականները բազմիցս մերժել են նախընտրական քարոզչության ընթացքում ՌԴ պաշտոնական անձանց հետ որեւէ անօրինական շփումների մասին կասկածները: Մոսկվան նույնպես բազմիցս հերքել է ԱՄՆ-ում ընտրությունների ընթացքի վրա ազդելու փորձերի մասին մեղադրանքները:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին