Քաղաքական հաշվեհարդար չի լինելու․ Պապիկյանը՝ համայնքապետերի հրաժարականը պահանջող ակցիաների մասին
Պետք չէ ակնկալել, թե իշխանությունները կարող են իրենց իրավասությունից դուրս գործողություններ կատարել։ Այս մասին այսօր՝ մարտի 20-ին, մամուլի ասուլիսի ժամանակ նշեց Տարածքային կառավարման եւ զարգացման նախարար Սուրեն Պապիկյանը՝ անդրադառնալով Հայաստանի մի շարք համայնքներում տեղի ունեցող բողոքի ակցիաներին, որոնցով պահանջում են համայնքի ղեկավարների հրաժարականը։
Պապիկյանը հավաստիացրեց՝ քաղաքական հաշվեհարդար չի լինելու։ «Այստեղ չի լինելու քաղաքական հաշվեհարդար, իսկ եթե այստեղ մեզ փնովելու են եւ ասեն, որ իշխանությունը գործիքներ չի կիրառում այդ հարցում, ապա պետք է հիասթափեցնեմ եւ ասեմ՝ ՀՀ-ում գործում են օրենքները եւ յուրաքանչյուր պաշտոնյա իր գործողությունները պետք է բխեցնի օրենքից»,-շարունակեց Սուրեն Պապիկյանը։
Անդրադառնալով Արմավիրի մարզի Զարթոնք գյուղում ստեղծված վիճակին, Պապիկյանն ասաց. «Եթե պարզվի, որ որեւէ համայնքապետ, այդ թվում Զարթոնքի համայնքապետը, թույլ է տվել քայլեր, որ իր իրավասությունից դուրս է, կդիմենք համապատասխան մարմիններին»:
Նախարարը տեղեկացրեց, որ Կառավարությունը նախաձեռնում է «Տեղական հանրաքվեի մասին» օրենքում փոփոխություն կատարել, ինչը, ըստ նրա, հնարավորություն կտա համայնքի բնակիչներին իրենց վերաբերմունքն արտահայտել համայնքապետի պաշտոնավարման հետ կապված։ Պապիկյանի խոսքով՝ այսօր կան համայնքապետարաններ, որոնք շատ լավ են պատկերացնում իրենց համայնքի զարգացումը, բայց նկատեց, որ նրանց թիվն այդքան էլ մեծ չէ, ինչի արդյունքում էլ առաջանում է համայնքների կառավարման նոր որակ ստեղծելու պահանջը։
«Ցավոք սրտի, այդ համայնքապետերի թիվը մեծ չէ, սա է պատճառը, որ մենք փորձում ենք նոր որակ հաղորդել համայնքների կառավարմանը»,-ասաց նա:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին