ԱԱԾ-ն՝ «Յունիսերվ»-ի վերաբերյալ ենթադրյալ քրգործի մասին
«Յունիսերվ» մաքսազերծող կազմակերպության գործունեության ենթադրյալ չարաշահումների դեպքի առթիվ ՀՀ ազգային անվտանգության ծառայության քննչական դեպարտամենտում քրեական գործ չի քննվում։ Այս մասին «Փաստինֆո»-ի գրավոր հարցմանն ի պատասխան հայտնել են ԱԱԾ-ի մամուլի կենտրոնից։
Հիշեցնենք, որ օրեր առաջ մամուլում տեղեկատվություն տարածվեց, որ ԱԱԾ-ն վարույթ է սկսել մաքսայինի հետ կապված, որի շրջանակներում ԱԱԾ է հրավիրվել ՊԵԿ փոխնախագահ Շ. Ներսիսյանը եւ երկար հարցաքննվել։ Ըստ մամուլի՝ վարույթը վերաբերում է «Յունիսերվ» մաքսազերծող կազմակերպությանը, որի ստեղծման հետ առնչություն ունեն ՊԵԿ պաշտոնատար անձինք։
«Փաստինֆո»-ն գրավոր հարցմամբ դիմել էր ԱԱԾ՝ պարզելու, թե «Յունիսերվ»-ի գործունեության հետ կապված հնարավոր չարաշահումների վերաբերյալ քրեական գործ հարուցվել է, թե ոչ։ Եթե այո, ապա երբ է այն հարուցվել եւ ինչ հոդվածով։ Հետաքրքրվել էինք նաեւ՝գործով դատավարական կարգավիճակ ունեցող անձինք կան թե ոչ։
Կայքի հարցմանն ի պատասխան՝ ՀՀ ԱԱԾ մամուլի կենտրոնի պետ Ս. Գալստյանը տեղեկացրել է, որ «Յունիսերվ»-ի գործունեության ենթադրյալ չարաշահումների դեպքի առթիվ ԱԱԾ-ի քննչական դեպարտամենտում քրեական գործ չի քննվում։
Նշենք, որ օր «Յունիսերվ»-ը՝ ի թիվս այլ ընկերությունների, ստեղծվել է նախկին «Նորֆոլկի» փոխարեն, որի միջոցով իրականացվում էր մաքսազերծումը։
Նախքան «Նորֆոլկ քոնսալթինգ» ընկերության ստեղծումը, ինչպես հայտնի է, Թուրքիայից, Չինաստանից և այլ երկրներից առևտրականների ապրանքի ներմուծումն իրականացվում էր 9 կարգո ընկերությունների միջոցով:
«Նորֆոլկ քոնսալթինգ»-ի ստեղծումը ՊԵԿ նախկին ղեկավարությունը բացատրում էր նրանով, որ փորձում են դաշտում կարգ ու կանոն հաստատել: Կարգո ընկերությունները պատահական մարդկանց չէին պատկանում:
Մամուլի տեղեկությունների համաձայն՝ նրանց թվում են հայտնի «Կարգո Կառլենը»՝ «Չորս ընկեր» ՍՊԸ-ի տնօրեն Կառլեն Մկրտչյանը, «Բագրատ տուրի» ղեկավար Բագրատ Նավոյանը, ԲՀԿ առաջնորդ Գագիկ Ծառուկյանի թիկնազորի պետ Էդուարդ Բաբայանը:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին