«Մենք չենք ասել բոլորը կապամոնտաժենք». Օպերայի տարածքի սրճարաններից 2-ը հնարավոր է մնա. թաղապետ
«Խնդրում եմ ճիշտ ձևակերպեք, մենք չենք ասել՝ բոլորը կապամոնտաժենք»: Այսօր՝ մարտի 16-ին, պատասխանելով լրագրողների հարցերին, ասաց Կենտրոն վարչական շրջանի ղեկավար Վիկտոր Մնացականյանը:
Լրագրողները նկատեցին, որ այս պահին մյուս սրճարանների հարցն իրավական դաշտում է ու հարց ուղղեցին Մնացականյանին. եթե որոշվի, որ դրանք չեն քանդվելու, ապա այդ սրճարանները կմնան, իսկ քանդված սրճարանների տարածքը կկանաչապատվի՞, ինչին թաղապետը դրական պատասխան տվեց:
«Իհարկե, ինչպես օրենքը կպահանջի. դա նորմալ պրոցես է, որը հնարավոր է՝ անում ենք»,-ասաց նա:
Դիտարկմանը, թե այդ դեպքում քաղաքացիները կրկին կընդվզեն, թե ինչու մյուսները ևս չեք ապամոնտաժում՝ ինչպես խոստացել էիք, Մնացականյանն արձագանքեց, որ իրենք նման բան չեն խոստացել:
«Չէ, ապամոնտաժվելու են նրանք, որոնք դատական խնդիր չունեն, խնդրում եմ՝ ճիշտ ձևակերպեք: Մենք նման բան չենք ասել, մենք ասել ենք՝ այս պահին ապամոնտաժելու ենք «Ատլանտիկ Գարդեն»-ը և «Ջազզվե» ընկերության սրճարանը. հիմա 5-ից 3 հատը ապամոնտաժված է»,- պարզաբանեց Մնացականյանը:
Ինչ վերաբերում է ապամոնտաժված գույքին, ապա նա նկատեց, որ դիմել են համապատասխան ընկերությունների, որոնք դրանք կտեղավորեն Երևանի տարբեր տարածքներում, որոշներն էլ կգույքագրվեն մանկատներում, Ավանի մանկապարտեզում ու այլ հաստատություններում:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին