Վարկ ունեցողների բեռը կնվազի, եթե երեխա ունենան
Կառավարությունը շրջանառության մեջ է դրել գործադիրի որոշումներից մեկում լրացում կատարելու վեաբերյալ նախագիծը։ Այն մշակվել է սպորտի և երիտասարդության հարցերի նախարարության կողմից՝ համագործակցելով Կենտրոնական բանկի հետ։
Իրավական ակտերի նախագծերի հրապարակման միասնական կայքում տեղադրված նախագծի համաձայն, «Երիտասարդ ընտանիքին` մատչելի բնակարան» պետական նպատակային ծրագրում ընդգրկված վարկառու ընտանիքում երեխա ծնվելու դեպքում պետության կողմից տրամադրվող սուբսիդավորումն ավելանում է։
«Վարկի գործողության ընթացքում վարկառուի (երիտասարդ ընտանիքի կամ երիտասարդ միայնակ ծնողի) յուրաքանչյուր նոր երեխայի ծննդյան կամ վերջիններիս կողմից յուրաքանչյուր նոր երեխայի որդեգրման դեպքում վարկի հետագա ժամանակահատվածի համար պետության կողմից տրամադրվող սուբսիդավորման տոկոսը ավելանում է 0,5 տոկոսային կետով»,-ասված է որոշման նախագծում։
Նախատեսվում է, որ որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Այն տարածվում է նաև մինչև որոշման ուժի մեջ մտնելը Ծրագրի շրջանակներում տրամադրված և սուբսիդավորվող այն վարկերի վրա, որոնց գործողության ընթացքում վարկառուի (երիտասարդ ընտանիքի կամ երիտասարդ միայնակ ծնողի) յուրաքանչյուր նոր երեխայի ծննդյան կամ վերջիններիս կողմից յուրաքանչյուր նոր երեխայի որդեգրման փաստը տեղի է ունեցել սույն որոշման ուժի մետ մտնելուց հետո:
Թե ո՞րն է նման իրավական ակտի ընդունման անհրաժեշտությունը, գործադիրում հիմնավորում են այսպես. «Այն պայմանավորված է բնակարանային պայմանների բարելավման կարիք ունեցող երիտասարդ ընտանիքներին պետական նպատակային ծրագրի ներքո վարկառուի ընտանիքում նոր երեխայի ծննդյան կամ որդեգրման դեպքում վերջինիս վարկային բեռի մեղման հանգամանքով՝ նպաստելով նաև ՀՀ-ում ծնելիության մակարդակի բարելավմանը և ժողովրդագրական խնդրիրների լուծմանը»։
Նշվում է, որ ներկայումս Հայաստանում շատ երիտասարդ ընտանիքներ (այդ թվում՝ նաև այս Ծրագրից օգտվողներ), հատկապես ֆինանսական խնդիրներից ելնելով, չեն մտածում ընտանիքում նոր երեխայի ծննդյան մասին, ինչն էլ իր հերթին բացասաբար է անդրադառնում ՀՀ-ում ծնելիության մակարդակի և ժողովրդագրական խնդիրների վրա:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին