Արթուր Մեսչյանը հիշում է իր մանկության պաղպաղակն ու ափսոսում քանդվող սրճարանի համար
Երևանի գլխավոր ճարտարապետ Արթուր Մեսչյանը խոսել է օպերայի տարածքում ապամոնտաժվող սրճարանների մասին, հիշել իր մանկության պաղպաղակն ու մի քիչ ափսոսել քանդվող հիշողության մասին։
Այն, ինչ կատարվում է այսօր օպերայի հրապարակում, ոչ թե քաղաքապետի կամ ճարտարապետի, այլ երևանցիների պահանջն էր։ Sputnik Արմենիայիհետ զրույցում այս մասին ասաց Երևանի գլխավոր ճարտարապետ Արթուր Մեսչյանը` հավելելով, որ քաղաքային իշխանությունն այսօր կատարում է երևացիների պահանջը։
«Մենք պահանջների կատարողն ենք։ Եվ դրա համար բոլոր խնդիրները, պրոբլեմներն ուղղել միայն քաղաքապետարանի աշխատողներին մի քիչ ազնիվ չէ, քանի որ երկար տարիներ բոլոր երևանցիները խոսում էին դրա մասին և երազում, որ գոնե մեկ գոտի վերադառնա օպերայի տարածքին։ Հիմա հնարավորություն կա դա անելու»,– ասաց Մեսչյանը։
Ինչ վերաբերում է դժգոհություններին, Երևանի գլխավոր ճարտարապետը հասկանում է, որ մարդիկ տարիներ շարունակ աշխատանքներ են կատարել իրենց տարածքներում, կառուցապատումներ իրականացրել, բայց նաև կոչ է անում ընտրել` որն է այսօր ավելի կարևոր ու առաջնային խնդիր։
«Ցավալի է, որ մարդիկ նեղվել են այդ ամենի համար, կորուստներ են կրում, հասկանալի է։ Բայց մենք մի քիչ առաջ պիտի գնանք, չէ՞»,– ասում է Մեսչյանը։
Ապամոնտաժվող տարածքը նա ոչ թե առաջին, այլ երկրորդ գոտի է կոչում` հակառակ ընդունված կարգի, քանի որ առաջինը, նրա դիտարկմամբ օպերայի շենք ու թատերական հրապարակն են, որոնք անձեռնմխելի են։
Իսկ երկրորդ գոտին, Մեսչյանի խոսքով, միանշանակ պետք է ապամոնտաժվի, բարեկարգվի որպես կանաչ գոտի ու վերադարձվի երևանցիներին։
Այդուհանդերձ, Երևանի գլխավոր ճարտարապետը հիշում է, որ շատ տարիներ առաջ այդ գոտում մեկ սրճարան–պաղպաղականոց կար։ Նրա խոսքով` դա օպերայի բակի կոլորիտի մի մասն էր։ Մեսչյանն ափսոսանքով է նշում, որ բոլորի հետ միասին այսօր այդ սրճարանն էլ պիտի քանդվի։
«Ես իմ մանկությունից հիշում եմ, որ մենք այդտեղ պաղպաղակ էինք գնում։ Դա այն տեղն է, որտեղ հաճելի էր բոլորիս համար։ Ես կցանկանայի, որ դա պահպանվեր։ Կա քաղաքի պատմական հիշողություն, և կարծում եմ, որ այդ տեսանկյունից ազնիվ կլինի, որ եթե անգամ հիմա այն ապամոնտաժվի, ապագայում նրանց հնարավորույուն տրվի վերականգնել իրենց սրճարանը»,– ասաց Արթուր Մեսչյանը։
Ամբողջությամբ՝ սկզբնաղբյուր կայքում։
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին