ԱԱ-2022-ի որոշ խաղեր կարող են անցկացվել Քուվեյթում ու Օմանում

ՖԻՖԱ-ն դիտարկում է Քաթարում կայանալիք 2022թ․ ֆուտբոլի աշխարհի առաջնության եզրափակիչ մրցաշարի որոշ խաղեր այլ երկրում անցկացնելու տարբերակը։ Այդ մասին հայտարարել է ՖԻՖԱ-ի նախագահ Ջանի Ինֆանտինոն:

«Քուվեյթն ու Օմանը հայտնել են աշխարհի առաջնության անցկացման հարցում Քաթարին օգնելու պատրաստակամություն: 2022թ. աշխարհի առաջնությանը կարող է դառնալ առաջինը, որին կմասնակցեն ոչ թե 32 հավաքականներ, այլ՝ 48: Մրցաշարի ընդլայնումը կպահանջի խաղեր անցկացնել այլ երկրներում»,- Ինֆանտինոյի խոսքը մեջբերում է AP News-ը:

Հիշեցնենք, որ ԱԱ-2022-ը Քաթարում մեկնարկելու է 2022 թվականի նոյեմբերի 21-ին։