«Լինել Պուգաչովայի հովանու ներքո»՝ մտքովս անգամ չի անցել»». Գալկինը խոսել է իր և Պուգաչովայի հարաբերությունների մասին

Ռուս շոումեն և հեռուստահաղորդավար Մաքսիմ Գալկինը «Комсомольская правда» պարբերականի հետ անկեղծ հարցազրույցում մեկնաբանել է տարիներ շարունակ շրջանառվող բամբասանքները, թե իր կարիերայի հաջողության գրավականը ռուսական էստրադայի «կնքամայր» Ալլա Պուգաչովայի հետ ամուսնությունն է:

«Ես ապրում եմ լիիրավ համոզմամբ, որ հաջողության հասել եմ մինչ Ալլայի հետ ծանոթությունը: Բայց դա չի նշանակում, որ նրա՝ իմ կյանք գալով իմ պահանջարկը չի մեծացել: Ես ծնվել եմ լիարժեք ինքնաբավության, սեփական մեծության և նման բաների այնպիսի զգացումով, որ «լինել Պուգաչովայի հովանու ներքո»՝ մտքովս անգամ չի անցել»,- հայտարարել է Գալկինը՝ շեշտելով, որ ինքն իր հիմնական հաջողությանը հասել է դեռևս մինչ ապագա կնոջ հետ ծանոթությունը:

Գալկինը նաև պատմել է, որ սերն Ալլա Պուգաչովայի հանդեպ իրեն առանձնապես չի փոխել, առհասարակ՝ շոումենը համոզված է, որ սերը չի փոխում մարդուն, քանի որ բավականին եսասիրական զգացում է:

«Ի դեպ, ես բավականին խանդոտ եմ: Թեև, գուցե չափից շատ ինքնավստահ, այդ իսկ պատճառով՝ չափավոր խանդոտ», - խոստովանել է հումորիստը:

Նա խոստովանել է, որ հումորի հետ կապված իր գործունեությանը կինը երբեք չի միջամտել, և դա կարող է հաստատել նաև անձամբ Ալլա Պուգաչովան: Երբեմն, սակայն, Պրիմադոննան խորհուրդներ է տվել ամուսնուն բեմական կեցվածքի հետ կապված:

«Այո, ես սկսեցի երգել նրա թեթև ձեռքով: Խորհուրդներ, թե ինչպես է պետք երգել, ինչպես պահել քեզ բեմի վրա, հագնվել, նման խորհուրդներ, այո, նա տվել է: Ես սիրում եմ լինզաներ, սակայն նա ասաց. «Դու այս ակնոցով այնքան գիտունիկի ես նման, ես քեզ այդպիսին եմ սիրել: Գնա և գնիր այն», - պատմել է շոումենը:

Բացի այդ, Գալկինը նշել է, որ իրեն դուրս է գալիս լինել ուժեղ կնոջ կողքին, և նա անգամ գիտակցաբար ու առանձնակի հաճույքով է «հետին պլան մղվում» նրա հետ տարբեր միջոցառումներ այցելելիս:

«Ես միշտ հաճույք եմ ստացել այն բանից, որ կարող եմ ինչ-որ տեղ գնալ Ալլայի հետ, և ես անցնում եմ հետին պլան, որովհետև Ալլան է դուրս գալիս, և նա այդ տարածքի թագուհին է», - նշել է Գալկինը՝ հավելելով, որ հայրենական շոու բիզնեսում, իր կարծիքով, Պուգաչովային հավասար արտիստ դեռ չի ծնվել:

Այս թեմայով Պուգաչովան և Գալկինը տասնյակ միլիոնավոր ռուբլիներ են ծախսում 7-ամյա երկվորյակների կրթության համար Ալլա Պուգաչովայի համերգային տնօրենը մեկնաբանել է Գալկինի հետ նրա ապահարզանի մասին լուրերը Հեռացիր մեզանից համաճարակ. երգում են Ալլա Պուգաչովան և նրա որդին Պուգաչովան պատմել է հանրահայտ լինելու պատճառով չիրականացրած երազանքի մասին Երեխաներս պետք է սովորեն ոսկե կանոնը՝ մարդկանց հետ շփումը՝ առանց համակարգիչների, գաջեթների. Ալլա Պուգաչովա