ԱՄՆ-Հյուսիսային Կորեա բանակցությունների նոր փուլը կարող է մի քանի շաբաթից սկսվել. Պոմպեո
ԱՄՆ պետքարտուղար Մայքլ Պոմպեոն երկուշաբթի հաստատել է, որ մի քանի շաբաթից Փհենյանում աշխատանքային մակարդակում կարող է տեղի ունենալ ԱՄՆ-Հյուսիսային Կորեա բանակցությունների հերթական փուլը: Պետքարտուղարության ղեկավարն այս մասին ասել է Այովա նահանգում գյուղոլորտի ներկայացուցիչների հետ հանդիպման ժամանակ: Նրա ելույթը հեռարձակել է Պետքարտուղարությունը, փոխանցում է ՏԱՍՍ-ը:
«Ես հույս ունեմ, որ մենք կվերադառնանք բանակցությունների հերթական փուլին, որ իմ թիմը Փհենյանում կլինի առաջիկա երկու շաբաթից: Ես աշխատանքը շարունակում եմ գտնելու այն ոլորտները, որտեղ ընդհանուր շահեր ունենք»,- նշել է Պոմպեոն:
Անցյալ շաբաթ ժամկետից վաղ ավարտված ԱՄՆ-Հյուսիսային Կորեա գագաթնաժողովից անմիջապես հետո Պոմպեոն հույս էր հայտնել, որ երկու կողմերը կրկին կհանդիպեն առաջիկա շաբաթներին: Ընդ որում՝ նա նշել էր, որ հաջորդ հանդիպման օրը դեռեւս չի որոշվել, որը, հնարավոր է, անցնի ԱՄՆ՝ Հյուսիսային Կորեայի հարցերով հատուկ ներկայացուցիչ Սթիվեն Բիգենի եւ նրա թիմի մասնակցությամբ: Պետքարտուղարի խոսքով՝ «երկու կողմերը վերադասավորվելու համար մի փոքր ժամանակի կարիք կունենան»: Նա շեշտել է, որ Վաշինգտոնն ու Փհենյանը Կորեական թերակղզու ապամիջուկայնացման վերաբերյալ «ընդհանուր ընկալում» ունեն, սակայն «դեռեւս շատ աշխատանք պետք է արվի»:
Հիշեցնենք, որ փետրվարի 27-28-ը Հանոյում տեղի էր ունեցել ԱՄՆ նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի գագաթնաժողովը, որը նվիրված էր Կորեական թերակղզու ապամիջուկայնացմանն ու ԱՄՆ-ի եւ Հյուսիսաին Կորեայի հարաբերությունների կարգավորմանը: Հանդիպման արդյունքներով կողմերին չէր հաջողվել համաձայնության հասնել: Մի քանի հանդիպումներից, այդ թվում դեմ առ դեմ հանդիպումից հետո ԱՄՆ նախագահ Դոնալդ Թրամփը եւ Հյուսիսային Կորեայի առաջնորդ Կիմ Չեն Ընը համատեղ փաստաթուղթ չէին ստորագրել՝ պայմանավորվելով երկխոսությունը շարունակել:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Մակրոնը և Սթարմերը Ուկրաինայի հարցով հանդիպում են հրավիրել
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հանրապետության առանձին շրջաններում սպասվում է կարճատև անձրև և ամպրոպ