Բարձրագույն խումբ. «Արցախը» և «Բանանցն» առաջնությունը վերսկսեցին ոչ-ոքիով

Հայաստանի Բարձրագույն խմբի առաջնության վերսկսումից հետո մրցաշրջանի աշնանային հատվածի հետնապահ «Արցախը» «Փյունիկ» մարզադաշտում հյուրընկալեց առաջատարներից «Բանանցին» և ոչ-ոքի խաղաց: Թիմերը մեկական գոլ խփեցին:

Հանդիպման հաշիվը բացվեց 19-րդ րոպեին, երբ «Արցախին» առաջ մղեց Դմիտրի Կլիմակովը: «Բանանցը» պատասխան գոլը խփեց նախքան ընդմիջման գնալը. 35-րդ րոպեին խաղի վերջնական հաշիվը ձևակերպեց Ալեքսանդար Գլիշիչը:

Այս հանդիպումից հետո «Արցախն» ունի 13 միավոր և զբաղեցնում է մրցաշարային աղյուսակի 8-րդ հորիզոնականը, իսկ «Բանանցը» 30 միավորով երկրորդ տեղում է:

Բարձրագույն խումբ, 20-րդ տուր

«Արցախ»-«Բանանց»՝ 1:1
Գոլերը՝ Կլիմակով 19՛ - Գլիշիչ 35՛