Ո՞վ է ասել, թե ՀՀ քաղաքացին չի փորձում լավ ապրել
ՀՀ վարչապետ Նիկոլ Փաշինյանը ֆեյսբուքյան իր էջում գրառում է արել, որտեղ մասնավորապես գրել է․ «Մի հարցրու միայն, թե ի՞նչ է արել կառավարությունը ինձ համար: Հարցրու նաեւ՝ թե իսկ ես ինքս ի՞նչ եմ արել ինձ համար»:
Դժվար է ասել, թե Փաշինյանի որ օգնականը կամ խորհրդականը, որ նախարարը կամ «Իմ քայլը» խմբակցության որ պատգամավորն է նրան ասել, թե ՀՀ քաղաքացին անդադար միայն հարցնում է, թե ինչ է արել կառավարությունն իր համար եւ ինքն իր համար ոչինչ չի անում:
Իրականում լավ է, թե վատ, բայց ՀՀ քաղաքացիների ճնշող մեծամասնությունը չի էլ հարցնում, թե ինչ է արել կառավարությունն իր ու երկրի համար: Չի հարցնում, քանի որ սպասելիք չունի, քանի որ տեսնում է, որ գներն աճում են, իսկ իր աշխատավարձը՝ ոչ, տեսնում է, որ...
Ինչ վերաբերում է նրան, թե հայաստանցին իրեն հարցնում է՝ ինչ եմ արել ես ինձ համար, ապա միանգամից ասենք՝ չի հարցնում, պարզապես անում է: Նա անում է իր համար, իր ընտանիքի համար, իր հարեւանների համար, իր բազմաբնակարան շենքի համար, իր փողոցի հարեւանների համար, իր գյուղի համար, իր զինվոր որդու համար, իր քրոջ զինվոր որդու համար, իր հարեւանի զինվոր որդու համար:
ՀՀ քաղաքացին ուզում է ինքն իր համար բիզնես ստեղծել, անգամ ներդրող է բերում, բայց բյուրոկրատական քաշքշուկի պատճառով ներդրողին հիասթափեցնում են, իսկ ինքը մնում է իր արած անիմաստ ծախսերի եւ չարչարանքի հետ:
Քաղաքացին սովորում է, ծառայում բանակում, վերադառնում, սովորում, իսկ երբ գալիս է աշխատանք գտնելու ժամանակն իրեն առաջարկում են 80-120 հազար դրամանոց աշխատանք, իսկ նա տեսնում է, որ մեկ ուրիշին, որը իրենից վատ է սովորել դատախազ են նշանակում, քանի որ հայրը...
Քաղաքացին հավատում է, որ այլեւս մենաշնորհներ չկան, ոգեւորվում է, գնում է բանան բերում, բայց հանկարծ բանանի գները շեշտակի ընկնում են եւ նրա բանանը մնում է ձեռքին, իսկ հետո արդեն մեկ ուրիշը բանանը բերում եւ վաճառում է կրկնակի թանկ գնով:
Քաղաքացին ուզում է ինքն իր համար, իր երեխաների համար գործ սկսել, բայց... Չերկարացնենք: Քաղաքացին իր մասին մտածում է, մտածում է ընտանիքի, հարեւանների, համագյուղացիների մասին, ուզում է, որ իր կենսամակարդակը բարձր լինի, բայց նրան պետք է նույն այդ կառավարությունն օգնի, բայց ոչ թե նպաստ կամ խորհուրդ տալով, այլ տնտեսական բարենպաստ միջավայր ստեղծելով:
Ընդ որում մեր երկիրն ունի այդ փորձը: Վերցրեք երկու հազարականների տնտեսական ցուցանիշները, վերլուծեք եւ կհասկանաք, թե ինչու էր երկրում տնտեսական աճը երկնիշ, ինչու էր կենսամակարդակն աճում, ընդ որում ոչ թե ընտրյալների, այլ գրեթե բոլորի համար:
Վարդան Մխիթարյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է