Փարիզի թիմը շատատ ուժեղ էր «Մանչեսթեր Յունայթեդից»

Մեկնարկեց ֆուտբոլի Չեմպիոնների լիգայի փլեյ-օֆֆը: 1/8 եզրափակիչի առաջին խաղային օրն անցկացվեցին 2 հանդիպումներ:

Անգլիական «Մանչեսթեր Յունայթեդն» ընդունեց ֆրանսիական ՊՍԺ-ին եւ պարտվեց 0:2 հաշվով՝ ընդհատելով թիմի նորանշանակ գլխավոր մարզիչ Օլե-Գունար Սուլշերի 11-խաղյա անպարտելի շարքը:

Երկրորդ խաղակեսի սկզբնամասում Ֆրանսիայի չեմպիոնն ուներ նկատելի առավելություն, իսկ հաշիվը բացեց 52-րդ րոպեին: Անկյունային խաղարկման արդյունքում աչքի ընկավ մրցակցի հսկողությունից դուրս մնացած ֆրանսիացի պաշտպան Պրեսնել Կիմպեմբեն:

60-րդ րոպեին գնդակը նաեւ երկրորդ անգամ հայտնվեց դաշտի տերերի դարպասում: ՊՍԺ-ի երկրորդ գոլը խփեց ֆրանսիացի հարձակվող Կիլիան Մբապեն, որը 3 րոպե անց նաեւ կորցրեց իրական գոլային պահ:

Խասղային օրվա 2 հանդիպումներից առաջ թիմերը լռության րոպեով հարգեցին ֆրանսիական «Նանտից» Անգլիայի Պրեմյեր լիգայում հանդես եկող «Կարդիֆ Սիթի» տեղափոխվելիս ավիաաղետում զոհված արգենտինացի հարձակվող Էմիլիանո Սալայի հիշատակը:

Իտալական «Ռոման» ընդունել էր պորտուգալական «Պորտուին», որտեղ հանդես են գալիս «Ռեալի» նախկին ֆուտբոլիստներ Կասիլիասը եւ Պեպեն: Խաղն ավարտվեց  2:1 հաշվով:

Նիկոլո Զանյոլոն 70 եւ 76-րդ րոպեին գրավեց Կասիլիասի դարպասը, իսկ Ադրիան 79-րդ րոպեին հաշիվը դարձրեց 2:1:

Այս զույգերի պատասխան հանդիպումները տեղի կունենան մարտի 6-ին: