Ընտրություններին մասնակցեց 1 մլն 260 հազար 840 ընտրող

Հայաստանում խորհրդարանական ընտրությունների քվեարկությանը, նախնական տվյալներով, մասնակցել է 1 մլն 574 հազար 947 քաղաքացի կամ քվեարկելու իրավունք ունեցող քաղաքացիների 48,63 տոկոսը: Այս մասին Կենտրոնական ընտրական հանձնաժողովում ասել է ԿԸՀ նախագահ Տիգրան Մուկուչյանը։

Առաջին անգամ Հայաստանի պատմության մեջ համապետական ընտրություններում նման ցածր մասնակցություն է գրանցվում, երբ ընտրողների կեսից ավելին չի մասնակցել քվեարկությանը:

Այդ պահի դրությամբ քվեարկության համար քվեատուփերին է մոտեցել ընտրելու իրավունք ունեցող 2 մլն 592 հազար 479 ընտրողներից 1 մլն 260 հազար 840-ը:

Ընտրողների մասնակցությունն ըստ ընտրական տարածքների՝

N1 (Երեւան՝ Ավան, Նոր Նորք եւ Քանաքեռ-Զեյթուն վարչական շրջաններ) – 48,43 տոկոս (97 300),

N2 (Երեւան՝ Արաբկիր, Աջափնյակ, Դավիթաշեն շրջաններ) – 49,27 տոկոս (),

N3 (Երեւան՝ Մալաթիա-Սեբաստիա, Շենգավիթ շրջաններ) – 46,46 տոկոս (104 627),

N4 (Կենտրոն վարչական շրջան, Էրեբունի, Նորք-Մարաշ, Նուբարաշեն շրջաններ) –46,35 տոկոս (97 438),

N5 (Արարատի մարզ) – 50 64 տոկոս (112 179),

N6 (Արմավիրի մարզ) – 44,35 տոկոս (103 927),

N7 (Արագածոտնի մարզ) – 52,1 տոկոս (66 306),

N8 (Գեղարքունիքի մարզ) – 50,45 տոկոս (96 433),

N9 (Լոռիի մարզ) – 47,64 տոկոս (113 111),

N10 (Կոտայքի մարզ) – 48,92 տոկոս (117 465),

N11 (Շիրակի մարզ) – 45,13 տոկոս (103 697),

N12 (Սյունիքի եւ Վայոց ձերի մարզեր) – 55,9 տոկոս (90 423),

N13 (Տավուշի մարզ) – 53,05 տոկոս (57 700)։

Փաստացի բոլոր խոշոր քաղաքներում մասնակցությունը ցածր է եղել: Երեւանում ժամը 20.00-ի դրությամբ, երբ փակվել են ընտրական տեղամասերը, քվեարկել է ընտրողների 47,6 տոկոսը (404 599), Գյումրիում՝ 39,22 տոկոսը (48817), Վանաձորում՝ 46,66 տոկոսը (44949)։

Այսպիսով, նախորդ ԱԺ ընտրությունների համեմատությամբ, որոնք տեղի են ունեցել 2017-ի ապրիլի 2-ին, մասնակցությունը ավելի քան 12 տոկոսով քիչ է եղել: Այդ ժամանակ ժամը 20.00-ին մասնակցությունը կազմել էր 60,86 տոկոս։ 2017-ի ընտրություններին 2 մլն 587 հազար 706 ընտրողներից մասնակցել էր 1 մլն 574 947 ընտրող:

Երեւանում անցած տարի ժամը քվեարկությանը մասնակցել է ընտրողների 58,46 տոկոսը (494455), Հայաստանի երկրորդ քաղաք Գյումրիում՝ 51,02 տոկոսը (63779), Վանաձորում՝ 54,69 տոկոսը (52593)։

Հայաստանում խորհրդարանական ընտրություններին մասնակցել է ընտրողների 60,86 տոկոսը (ֆոտո)

Լուրեր Հայաստանից - NEWS.am