Մեր նախընտրական պոպուլիզմին անգամ Բենդերը կնախանձեր
Քարոզարշավի շրջանակներում մարզեր կատարած իր այցելության ընթացքում Նիկոլ Փաշինյանը խոսել է տնտեսական հեղափոխության և ծայրահեղ աղքատության վերացման մասին։
Իհարկե հրաշալի մտքեր է հնչեցնում Նիկոլ Փաշինյանը․ ոչ միայն ծայրահեղ աղքատության, այլև համատարած աղքատության վերացումը բոլորիս երազանքն է։
Սակայն «Իմ քայլը» դաշինքի առաջնորդը ոչ մի կերպ չի մեկնաբանում, թե ինչպես է պատրաստվում իրականացնել այդ տնտեսական հեղափոխությունն այն պարագայում, երբ իր իշխանության 6 ամիսների ընթացքում երկիրը միայն հետընթաց է արձանագրել տնտեսական ցուցանիշներով։
Այդ վեց ամիսների ընթացքում խոստացված ներդրումների գոնե մեկ տոկոսը չի մտել Հայաստան, փոխարենը փակվում են տարատեսակ գործող բիզնեսներ՝ տաքսի սերվիսներից մինչև ռեստորաններ ու խանութ-սրահներ, դեռ քանի քանիսն էլ մի կերպ են գոյություն քարշ տալիս՝ որևէ փոփոխության հույսով։
Հարկային այն քաղաքականությունը, որը որդեգրվել է «Նոր Հայաստանում» չի՛ տանելու տնտեսական զարգացման ճանապարհով, այս փուլում պետական համակարգից համատարած կրճատումները չե՛ն զարգացնելու երկիրը ո՛չ տնտեսապես և ո՛չ էլ առավել ևս նպաստելու են երկրում աղքատության նվազեցմանը, այլ հակառակը։
Այդքան շահարկվող աշխատավարձերի սպասվելիք բարձրացումը արվելու է միայն այլ աշխատակիցների կրճատման հաշվին, դա որևէ կապ չունի տնտեսության զարգացման հետ։
Խնայողությունների հաշվին է 10 հազար դրամով բարձրացվելու նաև որոշ քաղաքացիների թոշակները, իսկ դա ամենևին տնտեսության զարգացում չէ։
Տնտեսությունը զարգանում է նախևառաջ ներդրումների հաշվին, որը կլինի միայն հարկային բարենպաստ պայմանների դեպքում։ Իսկ թե որքանո՞վ է Հայաստանը ներդրումների համար գրավիչ երկիր, գիտի նույնիսկ դպրոցական երեխան։
Պոպուլիզմը և հատկապես նախընտրական պոպուլիզմը այն աստիճանի լայն տարածում է ստացել վերջին շրջանում, որ Օստապ Բենդերը պարզապես կնախանձեր։ Մնում է միայն հայտնի ֆիլմի ոգով մի օր Տիգրան Ավինյանը Նիկոլ Փաշինյանին հարցնի՝ իսկ ո՞ւր են բաժնետիրական ընկերություններն իրենց խառը կապիտալով։
Գրիգոր Հայրապետյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...