Իսկ ո՞վ է վարչապետի պաշտոնակատարի պաշտոնակատարը
«Իմ քայլը» դաշինքի համապետական ցուցակում ընդգրկվածների զգալի մասը պետական պաշտոնյաներ են․ 24 տոկոսը կառավարության ներկայացուցիչներ են և պետական այլ կառույցների ղեկավարներ, նրանց տեղակալներ, 19 տոկոսը՝ տեղական ինքնակառավարման մարմինների աշխատակիցներ, 4 տոկոսը՝ ԱԺ ներկայիս պատգամավորներ։
Սա նշանակում է, որ պետական պաշտոնյաների որոշակի մասն առաջիկա օրերին ազատված են լինելու իրենց ծառայողական պարտականություններից։
Մասնավորապես, նման դրույթ է սահմանվում «Ընտրական օրենսգրքի» 91-րդ կետի երկրորդ մասով․ «Հանրային ծառայող հանդիսացող պատգամավորի թեկնածուներն իրավունք չունեն օգտագործելու իրենց պաշտոնեական կամ ծառայողական դիրքի առավելությունները:
Հանրային ծառայողներ հանդիսացող պատգամավորի թեկնածուները (բացառությամբ Հանրապետության նախագահի, Ազգային ժողովի պատգամավորների և կառավարության անդամների) սույն օրենսգրքով սահմանված նախընտրական քարոզչության պաշտոնական մեկնարկի օրվանից մինչև քվեարկության օրն օրենքի ուժով ազատվում են իրենց ծառայողական պարտականությունների կատարումից: Այդ ժամանակահատվածում նշված թեկնածուների բացակայությունն աշխատանքից համարվում է հարգելի` առանց վարձատրության պահպանման»:
Հատկանշական է, որ սույն դրույթը չի տարածվում Հանրապետության նախագահի, Ազգային Ժողովի պատգամավորների և կառավարության անդամների վրա։ Սակայն, վարչապետի պաշտոնակատար Նիկոլ Փաշինյանն արդեն իսկ հայտարարել է արձակուրդ գնալու մասին։ Ընդ որում, որևէ մեկնաբանություն չի տրվել առ այն, թե ո՞վ է փոխարինելու Նիկոլ Փաշինյանին այս «արձակուրդի» ընթացքում, այլ կերպ ասած՝ ով է լինելու վարչապետի պաշտոնակատարի պաշտոնակատարը։ Մնում է ենթադրել, որ դա Արարատ Միրզոյանն է:
Լրագրողներին արդեն քանի օր իր «փակուղային հարցով» (այդ որ դրույթն է արգելում իրեն քարոզարշավ սկսել ժամանակից շուտ) շեղող Նիկոլ Փաշինյանը հիմա էլ արձակուրդ է վերցրել։
Այս քաոսում ոչինչ և ոչ-ոք իր տեղում չէ․
• «Նոր Հայաստանում» վարչապետի պաշտոնակատարը կարող է քարոզարշավ սկսել, երբ կամենա՝ առանց հաշվի առնելու, որ այդ կերպ խաթարվում է նախընտրական քարոզչության բուն նպատակը։ Էլ ինչի՞ համար է գրվել այդ հաստափոր Ընտրական օրենսգիրքը, որտեղ մանրամասն նկարագրվում է նախընտրական քարոզչություն սկսելու նրբություններն ու տրվող հնարավորությունները։ Պատկերացնո՞ւմ եք, թե որքան գումար կխնայեինք պետբյուջեից, եթե այդ «անպետք» օրենսգիրքը պարզապես չկազմվեր։
• «Նոր Հայաստանում» նույն վարչապետը կարող է հրաժարական տալ և չգիտես՝ ո՛ր օրենքի ո՛ր դրույթով շարունակել պաշտոնավարել իբրև վարչապետի պաշտոնակատար։
• Այո՛, կարող է նաև երրորդ զավեշտը տեղի ունենալ՝ վարչապետի պաշտոնից հրաժարական տված մարդը, որ շարունակում է պաշտոնակատար մնալ նույն պաշտոնում նաև արձակո՛ւրդ է վերցնում ու միաժամանակ՝ շարունակում վարչապետի պաշտոնակատարի պաշտոնակատարի լիազորությունները։
Եթե այսքանից հետո որևէ մեկը կարող է այս նոր Ազգային Ժողովից սպասելիքներ ունենալ, նա խորը մոլորության մեջ է։ Պետական մտածողության նման տոտալ բացակայության պայմաններում և իրավական նորմերը կոպտորեն ոտնահարող քաղաքական ուժը չի՛ կարող ոչ միայն պետություն ղեկավարել, այլև դրա զարգացման որևէ ուղենիշ մշակել։
Գրիգոր Հայրապետյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...