Կեմերովոյի բնակչուհին ՀՀ տասնյակ քաղաքացիների է գրանցել իր տանը

Ռուսաստանում Կեմերովոյի 42-ամյա բնակչուհին իր բնակարանում է գրանցել Հայաստանի տասնյակ քաղաքացիների, այս մասին հաղորդում է news.vse42.ru-ն:

Նշվում է, որ կնոջ բնակարանում ՀՀ քաղաքացիները բնակվել են 2012 թվականից մինչև այս տարվա մայիս: Իրավապահների ուշադրության կենտրոնում հայտնված դեպքն ուսումնասիրվել է, ինչից հետո պարզվել է, որ բնակարանում գրանցված անձինք երբևէ չեն եղել այնտեղ, ինչը նշանակում է, որ կինը շահադիտական շարժառիթ է ունեցել:

Այժմ տանտիրուհին ստիպված կլինի պատասխան տալ օրենքի առաջ. նրա դեմ քրեական գործ է հարուցվել օտարերկրյա քաղաքացիների՝ ըստ գտնվելու վայրի բնակելի տարածքում կեղծ գրանցման մասին հոդվածով:

Նշենք, որ օտարերկրյա քաղաքացիների կեղծ գրանցումը քրեականացնող օրենքը ՌԴ նախագահ Վլադիմիր Պուտինը ստորագրել էր օրերս: