Bloomberg-ը հաշվել է պատժամիջոցների պատճառով Ռուսաստանի տնտեսական անկումը

Ռուսաստանի դեմ ԱՄՆ և Եվրամիության 2014թ. մտցված պատժամիջոցները երկրի տնտեսությունը նվազեցրել են 6%-ով, հաշվել է Bloomberg-ը:

Bloomberg Economics-ի փորձագետների նոր հետազոտությունը ցույց է տվել, որ Ռուսաստանի դեմ ուղղված պատժամիջոցները չեն ազդել մյուս երկրների վրա: Վերլուծաբանները եզրակացրել են, որ Ռուսաստանի տնտեսության հավանական և փաստացի աճի միջև եղած տարբերության շարունակվող մեծացումը վկայում է պատժամիջոցների երկարաժամկետ բացասական ազդեցության մասին:

Նշվում է, որ ներկայումս Ռուսաստանի տնտեսությունը 10% փոքր է համեմատած այն ցուցանիշների հետ, որոնք կարելի էր սպասել 2013թ. իրավիճակից ելնելով: Չնայած, որ բացասական գործոններից մեկը նավթի գնի անկումն է, լուրջ դեր ունի նաև պատժամիջոցների կիրառումը, եզրակացնում է Bloomberg -ը:

Փորձագետները կասկածում են, որ Ռուսաստանին կհաջողվի 2021 թ. համար կառավարության կանխատեսած 3% ՀՆԱ աճ ապահովել: