Գործարար Արմեն Սարգսյանին պատկանող հոլդինգը և Rambler Group-ը 12 մլն դոլարի գործարք են կնքել

Ռուսական վիճակախաղի շուկայում մոնոպոլ S8 Capital հոլդինգը, որը պատկանում է հայազգի գործարար Արմեն Սարգսյանին, Rambler Group-ից գնում է Price.ru առաջին ինտերնետ-ծառայություններից մեկը:

Ինչպես հայտնում է Коммерсантъ-ը, գործարքի գումարը կազմում է 12 մլն դոլար: Գործարքի շրջանակներում ընդգրկվում են կայքը և տեխնոլոգիական հարթակը, իսկ գործարքից ստացված միջոցները կուղղվեն Rambler Group-ի զարգացմանը:

Rambler Group-ը պայամանավորվել է Price.ru-ի 100 տոկոս բաժնետոմսերի վաճառքի մասին: Գործարքի կողմերը չեն բացահայտում կնքված համաձայնագրի պայմանները:

Rambler Group-ի ղեկավար կոմիտեի անդամ Ռաֆայել Աբրահամյանի խոսքով՝ գործարքը շատ շահավետ է ընկերության համար, քանի որ տվյալ ակտիվը 2017-ից ի վեր անշահութաբեր էր համարվում:

S8 Capital-ը հանդիսանում է ռուսական Гослото, Русское лото և Спортлото պետական վիճակախաղերի օպերատորը: