Բրիտանիայի կառավարությունը սատարել է ԵՄ-ից երկրի դուրս գալու ծրագիրը

Բրիտանիայի կառավարությունը սատարել է ԵՄ-ից երկրի դուրս գալու ծրագիրը։ Կառավարության ղեկավար Թերեզա Մեյը հայտարարել է, որ դա համապատասխանում է երկրի ազգային շահերին, սակայն առջեւում դժվար օրեր են սպասվում։ Քննարկումը տեւել է 5 ժամ։

Նրա խոսքերով՝ նախարարների խորհրդի միասնական որոշման նշանակությունն այն է, որ կառավարությունը պետք է հավանություն տա դուրս գալու մասին համաձայնագրի նախագծին եւ քաղաքական հռչակագրին։ «Ես բանականությամբ եւ սրտով վստահորեն հավատում եմ, որ այս որոշումը բխում է ողջ Միացյալ Թագավորության շահերից»,- նշել է Մեյը՝ տեղեկացնում է Reuters-ը։

Համաձայնագրի նախագծում ներկայացված է մի տարբերակ, որը բացառում է ֆիքսված սահմանի վերադարձը՝ ավելի վաղ հայտնել էր իռլանդական RTE հեռուստաալիքը։ ԵՄ-ից Մեծ Բրիտանիայի դուրս գալը նախատեսված է 2019թ․ մարտի 29-ին։