Պաշտոնանկ չի արվել Սերժ Սարգսյանի փեսան
Լյումպեն հասարակությունը և լյումպեն վերնախավը սիրում է մարդկանց ընկալել բարեկամական, կլանային, ցեղախմբային պատկանելիությամբ։
Առավել առաջադեմ հասարակություններում երբեք նման բան չես գտնի։ Ցանկացած գործիչ՝ անհատ է։
Միքայել Մինասյանի մասին խոսելիս, սովորաբար հիշատակվում է «Սերժ Սարգսյանի փեսա» բառակապակցությունը։ Սա մասնավոր հարց չէ և կարծում ենք կարիք ունի ավելի խորքային վերլուծության. սա որպես խնդիր ավելին է, քան մեկ բարեկամական կապը։
Եթե խոսքը գնում է բարեկամական կապերի և ընտանեկան տոհմածառի մասին, ապա Մ. Մինասյանը նախքան Ս. Սարգսյանի փեսա դառնալը, բավական պատկառելի ու հայտնի գենոֆոնդ ունի, ընդ որում, երկու կողմից: Եւ որպես Գ. Հասրաթյանի թոռ և որպես Մինասյանների թոռ (այսինքն՝ 4 կողմից)։ Այնպես որ, եթե շեշտը դնում ենք ընտանեկան կապերի վրա, ինչին մենք դեմ ենք, ապա նախևառաջ պետք է հարցին այդ տեսակետից նայել։
Բայց շատ ավելի կարևոր է անձի անհատական ընկալումը։ Իհարկե, Ս. Սարգսյանի փեսա լինելը Մ. Մինասյանին տվել է ավելի ինտենսիվ և ավելի հեշտ բիզնեսով զբաղվելու հնարավորություն։ Սա անհերքելի փաստ է։ Այնպես, ինչպես նման բարեկակամական կապերը օգնել են հետխորհրդային անցումային երկրների հարյուր հազարավոր մարդկանց. Իսկ մասնավորապես Հայաստանում ՝ շատ շատերին, բոլոր ժամանակներում։
Մ. Մինասյանին մեղադրում են նաև դոմինանտ լրատվական համակարգ ստեղծելու մեջ։ Իհարկե՝ արել է։ Ցանկացած իշխանություն Հայաստանում նման բան արել է և անելու է։ Եթե մյուսների մոտ դա ստացվել է ապաշնորհ, ապա Մինասյանին դրա մեջ չի կարելի մեղադրել։
Այո, Մ. Մինասյանը ստեղծել էր հանրային կարծիք ձևավորող համակարգ, ցանկացած իշխանություն և լուրջ ընդդիմություն նույնը փորձել է և այժմ էլ փորձում է անել։ Եվ շատ-շատերի մոտ ակնհայտորեն չի ստացվել և այժմ էլ չի ստացվում։
Միևնույն ժամանակ, նույն Մ. Մինասյանը ակնհայտորեն անտագոնիզմի մեջ էր լիսկայա-սաշիկական համակարգերին և տեսակին։ Եվ նույնիսկ Սերժ Սարգսյանի իշխանությանը ժամանակ առ ժամանակ փորձում ռեֆորմիստական երանգներ հաղորդել։
Գնահատականները սովորաբար ճաշակի, քաղաքական կոնյուկտուրայի և PR-ի արդյունքն են։ Դրանք ունեն փոխվելու մեծ հակում։ Հրապարակային գործունեության մեջ միակ խնդիրը անհատին անհատապես ընկալելն է։ Իսկ բարեկամական կապերը խիստ ներքին խնդիրներ են, որոնք ունեն իրենց խաղի կանոնները և պարկեշտության նորմերը։
Վահրամ Գևորգյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...