Ադրբեջանի համար նախընտրելի են Տեր–Պետրոսյանն ու Սարգսյանը
«Երեք շաբաթից Հայաստանում կանցկացվեն խորհրդարանական ընտրություններ, որին մասնակցում են երկրի առաջատար քաղաքական ուժերը։ Կուսակցությունների նախընտրական ծրագրերում ամենաառանցքային հարցը ղարաբաղյան հարցն է եւ դրա լուծման ուղիները։ Ինչպես պարզվում է, խաղաղության կողմնակիցներ Հայաստանում քիչ կան, եթե չասենք, որ ընդհանրապես չկան»,– գրում է ադրբեջանական haqqin.az-ը։
Դատեք ինքներդ. երեւանյան «Լրագիր» պարբերականը պատրաստել էր կուսակցությունների նախընտրական ծրագրերի տեսությունը, որ վերաբերում էր ղարաբաղյան խնդրին։ «Ամենախաղաղը» Կոնգրես–ՀԺԿ դաշինքի ծրագիրն է, որ ղեկավարում է Հայաստանի առաջին նախագահ Լեւոն Տեր–Պետրոսյանը։ Այստեղ գտնում են, որ Հայաստանի եւ Լեռնային Ղարաբաղի անվտանգության խնդիրների լուծման համար անհրաժեշտ է դուրս գալ հարեւանների հետ հակամարտության եւ շրջափակման մեջ գտնվող երկրի վիճակից։
Բացի դա, ծրագիրն աջակցում է ԵԱՀԿ Մինսկի խմբի ջանքերին, որը 2007 թվականից ի վեր առաջարկում է կարգավորման Մադրիդյան սկզբունքները։
Իշխող Հանրապետական կուսակցությունը գտնում է, որ Ղարաբաղի կարգավիճակը «պետք է որոշի նրա ժողովուրդը»։
«Մենք կաջակցենք ԵԱՀԿ Մինսկի խմբի՝ խաղաղ կարգավորմանն ուղղված ուղիներ գտնելու բոլոր ջանքերին»,– ասվում է ծրագրում։
Միեւնույն ժամանակ կուսակցությունը նպատակ ունի կատարելագործել անվտանգության համակարգը, «որպեսզի ոչ մեկի մտքով չանցնի, որ խնդրի խաղաղ լուծումը այլընտրանք ունի»։ 
«Ելք» դաշինքը տվյալ իրավիճակում գտնում է, որ իմաստ չունի խոսել փոխզիջումների մասին։ Դաշինքը գտնում է, որ պետք է առաջին հերթին վերականգնել Հայաստանի եւ Ադրբեջանի միջեւ ռազմական հավասարակշռությունը։ «Ադրբեջանի ռազմական հռետորաբանության եւ ագրեսիվ քաղաքականության պայմաններում փոխզիջումների մասին խոսք գնալ չի կարող»։ Ցանկացած փոխզիջում ենթադրում է Ադրբեջանի կողմից «Արցախի» ինքնորոշման իրավունքի» ճանաչում։
Օհանյան–Րաֆֆի–Օսկանյան դաշինքում գտնում են, որ կարգավորման գործընթացում վերջին խոսքը պետք է լինի «Ստեփանակերտինը»։ Օհանյանի խոսքերով՝ «Արցախի» ինքնորոշումը արդեն փաստ է։
Կարգավորման հիմքում պետք է լինի միջազգային հարթակում ինքնորոշման իրավունքի իրականացումը, որից հետո պետք է «Արցախի հանրապետության» եւ Ադրբեջանի Հանրապետության սահմանների ճշգրտում կատարվի։
Պարզաբանելով «արցախյան հակամարտության» կարգավորման հարցի նկատմամբ դաշինքի մոտեցումները, Տեր–Պետրոսյանի տեղակալը բառացիորեն հետեւյալն է հայտարարել.
«Ադրբեջանը պարտավորվում է խաղաղության պայմանագիր կնքել, հարցը վճռվում է փոխզիջումների հիման վրա։ Պետք է ստեղծվի ապառազմականացված բաժանիչ գոտի։ Ադրբեջանը պաշտոնապես համաձայնում է, որ այն տարածքում, որն ինքը համարում է իրենը, պետք է տեղակայվեն խաղաղապահ ուժեր, եւ ինքը իրավունք չունի այդ տարածք ռազմական տեխնիկա մտցնել։ Ադրբեջանը պաշտոնապես ընդունում է, որ հրաժարվում է որևէ վեճ լուծել բռնության միջոցով, ինչպես նաեւ համաձայնում է «Արցախին» միջազգայնորեն ճանաչված կարգավիճակ տրամադրել»։
Մեկնաբանելով haqqin.az–ի՝ հայկական կուսակցությունների Ղարաբաղին վերաբերող նախընտրական իրավիճակը եւ ծրագրերը, «Թուրան» տեղեկատվական գործակալության տնօրեն Մեհման Ալիեւը հայտարարել է, որ նույնիսկ ամենազուսպ ուժերը ստիպված են ավելի կոշտ խոսել, եթե խոսքը գնում է ղարաբաղյան հակամարտության մասին։
Ալիեւի խոսքերով՝ ղարաբաղյան հռետորաբանությունը կարեւոր է Հայաստանի համար 1988-1989 թվականներից։ Եվ հիմա դա N1 թեման է, հատկապես ճակատում ներկայիս լարվածության եւ անցած տարվա ապրիլյան էսկալացիայի լույսի ներքո։
Միեւնույն ժամանակ, ընտրությունների արդյունքները եւ տեղերի քանակը, որ կստանա այս կամ այն դաշինքը, ուղիղ կապված չեն Ղարաբաղի հարցում կոշտ դիրքորոշման հետ։ Հայաստանում շատ բան որոշելու է սոցիալ–տնտեսական գործոնը։
Արդյո՞ք ընտրությունների ավարտը կնպաստի բանակցային գործընթացի վերսկսմանը։
Պատասխանելով այս հարցին՝ Մեհման Ալիեւը նշել է, որ հայկական կողմը բարի կամքով չի գնա բանակցությունների, առավել եւս՝ զիջումների։ Անհրաժեշտ են հարկադրական միջոցներ։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...