Չրի գործ անող Տիգրան Ավինյանը եւ նրա խառը գործերը գյուղնախարարի հետ
Մինչ վարչապետի պաշտոնակատար Նիկոլ Փաշինյանը հուզախառն ելույթներ է ունենում կոռուպցիայի դեմ պայքարի, «նոր» Հայաստանի ու «նոր» իրողության մասին, իր թիկունքում կամ գուցե ոչ թիկունքում այլ գործընթացներ են ընթանում։ Ոչ, խոսքը Իջևանի համայնքապետարանի հովանավորությամբ Նիկոլ Փաշինյանին նվիրված գրքի մասին չէ:
«Հետք»-ի հետաքննության արդյունքում պարզվել է, որ ՀՀ փոխվարչապետ Տիգրան Ավինյանի ՍՊԸ-ն այս տարի 35 հազար դոլարի պետական դրամաշնորհ է ստացել չրի արտադրություն զարգացնելու համար։ Ընդ որում, դրամաշնորհը տրամադրվել է, երբ Տիգրան Ավինյանն արդեն փոխվարչապետ էր։
Իսկ մինչ այդ, ըստ «Հետքի», համաձայնագիր է կնքվել «Իրիգեյթ» ՍՊԸ-ի տնօրեն Արմեն Ավինյանի, Գյուղատնտեսության զարգացման հիմնադրամի տնօրեն Գեղամ Գևորգյանի և «Արտասահմանյան ֆինասնական ծրագրերի կառավարման կենտրոն» պետական հիմնարկի տնօրեն Էդգար Ավետյանի միջև:
Փաստացի, այստեղ խոսքը ոչ միայն պաշտոնական դիրքի չարաշահման կամ կոռուպցիոն դրսևորման մասին է, այլև խնամի-ծանոթ-բարեկամ սկզբունքով կադրեր ընտրելու։
Կարող ենք շատ հանգիստ ենթադրել, որ Տիգրան Ավինյանը միջնորդել է Գեղամ Գևորգյանին նախարար նշանակել կոնկրետ նկատառումներով․ այն է՝ նրա հանդեպ պարտքի զգացումից ելնելով, ընդ որում՝ նյութական պարտքի:
Տեղի ունեցածը ևս մեկ անգամ փաստում է, որ «նոր» կադրերը գուցե անփորձ են կառավարման ոլորտում, սակայն ամենևին էլ անտեղյակ չեն պետական միջոցներն ըստ անձնական նպատակահարմարության բաշխելու նուրբ արվեստից։
Արդյոք տեղյակ է այս ամենի մասին Նիկոլ Փաշինյանը, որը ժամանակին օլիգարխիայի դեմ պայքարի և ապօրինի հարստացման ակտիվ ջատագովներից էր։
Այս հարցին երկու պատասխան կարող է լինել․
ա․ Եթե տեղյակ է ու լռում է, ապա ստացվում է Փաշինյանի ողջ հռետորաբանությունն ու ելույթները ընդամենը փոշի են մարդկանց աչքերին՝ դրանից բխող բոլոր հնարավոր հետևանքներով։
բ․ Եթե վարչապետի պաշտոնակատարը տեղյակ չէ այս պրոցեսներից, ապա ստացվում է՝ չի տիրապետում իրավիճակին և ինքն էլ՝ ժամանակի ընթացքում դառնալու է իր իսկ ստեղծած համակարգի զոհը։
Երկու տարբերակներն էլ խիստ մտահոգիչ են ու դրական ելքեր չեն խոստանում։
Հ․ Գ․ Փոխվարչապետ Ավինյանի խոսնակը, ի դեպ, «Հետքի» սկանդալային բացահայտումից հետո, փորձեց պարզաբանել ստեղծված իրավիճակը՝ ներկայացնելով, թե երկու տասնակից ավելի ընկերությունների շարքում Տիգրան Ավինյանի ընկերության՝ դրամաշնորհ ստանալը չի պարունակել որևէ մութ բան, ամեն ինչ արվել է անկախ հանձնաժողովի կողմից:
Հարգելինե՛րս, գործընթացը մութ է եղել, թե լույս, դա արդեն այս դեպքում երկրորդական է: Կա փաստ՝ փոխվարչապետին կամ նրա ընտանիքին պատկանող ընկերությունը պետական դրամաշնորհ է ստացել այն պահին, երբ փոխվարչապետ էր: Իսկ թե երբ է մեկնարկել այդ պրոցեսը արդեն կարևոր չէ ու չի հուզում ոչ ոքի։ Հակակոռուպցիոն կառավարման մշակույթը պետք է գործի մեկ սկզբունքով և բոլորի համար լինի հավասար։
Գրիգոր Հայրապետյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...