Անասնագող գյուղապետը եւ հայհոյող ու անիծող «հեղափոխականները»
Իրավիճակ է փոխվել. ասում ենք ու անում ամենաանհեթեթ քայլերն ու անցնում առաջ, իսկ ավելի ճիշտ՝ հետ գլորվում:
Որեւէ մեկը չնկատեց, որ հեղափոխական Հայաստանում Լուսաձոր գյուղում գյուղապետ է ընտրվել ութամյա կրթությամբ մի երիտասարդ, որը ընդամենը մի քանի տարի առաջ դատապարտվել էր հարեւան գյուղից անասնագողություն կատարելու համար:
Մի՞թե ամբոխները խելագարված փողոց էին դուրս եկել, որ Լուսաձորում գյուղապետ ընտրվի անասնագողը, Վաղարշապատ-Էջմիածնում քաղաքապետ ընտրվի աթեիստ մի երիտասարդ կին, Հրազդանում քաղաքապետ ընտրվի Սասուն Միքայելյանի 24-ամյա որդին:
Այնքան ենք խճճվել աբսուրդի մեջ, որ ոչնչի ուշադրություն չենք դարձնում եւ խրվում ենք մի իրականության մեջ, որը կարող է խժռել մի ամբողջ երկիր: Ասում են, թե ժամանակակից աշխարհում, որեւէ պետություն չի կործանվում: Համաձայն ենք՝ դե յուրո չեն կործանվում, բայց մի՞թե կործանված չեն Լիբիան ու Սիրիան, Մալին ու Սոմալին:
Հենվել մի ընտրազանգվածի վրա, որը գիր ու գրականությունից, կրթությունից եւ տարրական դաստիարակությունից հեռու է եւ նրանով ճնշում գործադրել ամբողջ քաղաքական դաշտի վրա, մեղմ ասած, վտանգավոր է, իսկ առանց մեղմ ասելու՝ կործանարար:
Այն ինչ տեղի ունեցավ Լենա Նազարյանի եւ Ալեն Սիմոնյանի հետ, ցույց է տալիս, որ մենք րոպե առաջ պետք է կանգ առնենք, մեզ թափ տանք եւ փորձենք փրկել իրավիճակը: «Հեղափոխականները», պարզվում է, ճանաչում են եւ ընդունում բացառապես Նիկոլ աինյանին: Նրանք անգամ չգիտեն, որ Ալեն Սիմոնյանը կամ Լենա Նազարյանը «Ելք» խմբակցության անդամներ են:
Ալեն Սիմոնյանը եւ Լենա Նազարյանը հայտարարել էին, թե այս կամ այն պատճառով Նիկոլ աշինյանի օգտին չեն քվեարկելու, որից հետո արժանացել էին անեծքների եւ հայհոյանքների:
Հիմա արդեն ՔՊ-ական պատգամավորները, նախարարները, փոխնախարարները, մարզպետներն ու փոխմարզպետները, քաղաքապետերը եւ գյուղապետերը կհասկանան, որ իրականում իրենց վարկանիշը «հեղափոխականների» մոտ զրո է:
Հայաստանում մոնղոլ-թաթարական խանությանը, ապա դրան հաջորդած ցարական Ռուսաստանին բնորոշ իրավիճակ է: Իրենից ինչ որ բան ներկայացնում է միայն նա, որի հետ խոսում կամ շփվում է ցարը, եւ այնքան ժամանակ, քանի դեռ խոսում եւ շփվում է:
Այսպես մենք հեռու չենք գնա, սա բերելու նորանոր խնդիրների եւ հարցերի: Հենց այս իրավիճակում են 23 տարեկան տղային ՊԵԿ-ում վարչության պետ նշանակում, ինչ որ մեկի ընկերուհուն՝ քաղաքապետ ընտրում, «փետրվարի 31»-ին նախարար նշանակում, 27-ամյա անփորձ երիտասարդին նախարարի պաշտոն նվիրում:
Կարծում ենք, արդեն ուշ է, բայց գոնե հիմա կանգնենք եւ փորձենք հասկանալ, թե ուր ենք հասել եւ ինչի մեջ ենք, հակառակ դեպքում հետո շատ ուշ է լինելու:
Հակոբ Ասատրյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
Մարմնամարզության տղամարդկանց հավաքականը տուն է վերադառնում
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...